વાયરલ વીડિયો / VIDEO : મોબાઈલની બેટરી ફૂલી ગઈ હોય તો તરત નવી નખાવી દેજો, દુકાનમાં જોરદાર વિસ્ફોટ સાથે ફાટી બેટરી

• મોબાઈલની બેટરી ફાટવાનો વધુ એક કિસ્સો
• મધ્યપ્રદેશના બાલાઘાટમાં દુકાનમાં ફાટી મોબાઈલની બેટરી
• યુવાન ફોન રિપેર માટે આવ્યો હતો દુકાનમાં
• સદનસીબે કોઈને પણ ઈજા ન થઈ 

મોબાઈલની બેટરી ગમે ત્યારે ફાટી શકે છે અને તેને કારણે ક્યારેય તો દુર્ઘટના પણ બની જતી હોય છે. તેથી હવે લોકોએ મોબાઈલને સાચવીને હેન્ડલ કરવાની જરુર છે. મધ્યપ્રદેશના બાલાઘાટના એક ગામમાં મોબાઈલની બેટરી ફાટવાની એક ઘટના બની છે. 

युवक के हाथ में फटा मोबाइल फोन, कैमरे में कैद हुई घटना.. pic.twitter.com/y2TyVxoSNu

— @kumarayush21 (@kumarayush084) August 18, 2022

રિપેર વખતે જોરદાર વિસ્ફોટ સાથે ફાટી બેટરી 
બાલાઘાટના ગામમાં દુકાનમાં કારીગર મોબાઈલ રિપેરિંગ કરી રહ્યો હતો. મોબાઈલ રિપેરીંગ કરીને તે ગ્રાહકને આપવા જતો જ હતો કે ત્યારે અચાનક મોબાઈલમાં રહેલી મોટા વિસ્ફોટ સાથે ફાટી હતી. રીપેરિંગ ટેબલ પર આગ લાગતા કારીગરે જોરથી મોબાઈલને ફેંકી દીધો હતો અને આ રીતે બચી ગયો હતો. દુકાનમાં જોરદાર અવાજ સાથે બેટરી ફાટી હતી. આ દરમિયાન દુકાનમાં ઘણા ગ્રાહકો બેઠા હતા તેઓ ફફડી ઉઠ્યાં હતા. સદનસીબે આ ઘટનામાં કોઈને ઈજા થઈ નહોતી પરંતુ આનાથી એક વાત સાબિત થાય છે કે મોબાઈલની બેટરી ગમે ત્યારે દગો આપી શકે છે તેથી તેને સાચવીને હેન્ડલ કરવાની જરુર છે. 

દુકાનદારની અપીલ, કોઈની મોબાઈલની બેટરી ફૂલી ગઈ હોય તો નવી નાખો
આ ઘટના બાદ દુકાનદારે લોકોને એવી અપીલ કરી છે કે જો કોઈના પણ મોબાઈલની બેટરી ફૂલી ગઈ હોય તો તેમણે તાત્કાલિક નવી બેટરી નખાવી દેવી જોઈએ નહીંતર આવું બની શકે છે. 

દેશમાં મોબાઈલની બેટરની ફાટવાની વધુ એક ઘટના
મોબાઈલની બેટરી ફાટવાની ઘટના નવી નથી. અવારનવાર આવા સમાચાર આવતા રહેતા હોય છે. તેથી મોબાઈલ અને તેમાંય ખાસ તો બેટરી સાથે કામ પાર પાડવાનું કામ આવે ત્યારે વધારે સાવધાની રાખવી જોઈએ.