20 સીન પર કાતર / OMG 2ની રીલીઝ પહેલા અક્ષય કુમારની ફિલ્મને મોટો ઝટકો, સેન્સર બોર્ડે આપ્યું 'A' એડલ્ટ સર્ટિફિકેટ, મેકર્સે પકડયું માથું

• ફિલ્મ OMG 2ને રિલીઝ પહેલા ઝટકો
• ફિલ્મ સેંસર બોર્ડે દર્શાવી આપત્તિ
• મૂવીને એડલ્ટ ફિલ્મનું સર્ટિફિકેટ આપવાની વાત કરી

OMG 2ની રિલીઝ ડેટ નજીક આવી રહી છે. 11 ઑગસ્ટનાં રિલીઝ થનારી આ ફિલ્મ હજુ સુધી સેંસર બોર્ડ ઓફ ફિલ્મ સર્ટિફિકેશનનાં ચક્કરમાં અટવાયેલી છે. હાલમાં સેંસર બોર્ડે ફિલ્મને A સર્ટિફિકેટ એટલે કે એડલ્ટ ફિલ્મનું સર્ટિફિકેટ આપવાની વાત કરી છે એટલું જ નબીં સેંસર બોર્ડની રિવાઈઝિંગ કમિટીએ પણ આ ફિલ્મ પર આપત્તિ દર્શાવતાં કહ્યું કે તેમણે 20 કટ્સ કરવાનું સૂચન ફિલ્મ મેકર્સને આપ્યું છે.

સેંસર બોર્ડનો OMG 2ને મોટો ઝટકો
સેંસર બોર્ડની રિવાઈઝિંગ કમિટીએ હાલમાં ફિલ્મને 20 જેટલા કટ્સ કરવાનું સૂચન આપ્યું છે. આ બાદ બોર્ડ OMG 2ને A સર્ટિફિકેટ આપી શકે છે. માહિતી અનુસાર CBFC દ્વારા આપવામાં આવેલ તમામ ફેરફારો અને ફિલ્મને ફાળવવામાં આવતાં A સર્ટિફિકેટની બાબત ફિલ્મ મેકર્સને મંજૂર નથી તેથી તેઓ પોતાની વાત બોર્ડ સમક્ષ રજૂ કરવા માટે મીટિંગ કરવા ઈચ્છે છે.

ફિલ્મમાં ધાર્મિકતા જ નહીં સેક્સ એડ્યુકેશન પણ છે
અક્ષય કુમારની ફિલ્મ ઓહ માય ગોડ 2 માત્ર ધાર્મિકતા અને આસ્થા પર જ આધારિત નથી પરંતુ તેનો મૂળ વિષય સેક્સ એડ્યુકેશન છે. તેવામાં ધર્મ અને સેક્સ એડ્યુકેશન આધારિત આ ફિલ્મને લઈને સેંસર બોર્ડ સમજી-વિચારીને પગલાઓ ભરી રહ્યું છે.