ચેતજો / પાણીપુરીવાળાએ મેડિકલની યુવતીને મિત્રતામાં ફસાવી કર્યો રેપ, બાદમાં અશ્લીલ વીડિયો કર્યો વાયરલ

• પાણીપુરીવાળાએ નર્સિગ યુવતી સાથે મિત્રતા કરી આચર્યુ દુષ્કર્મ
• યુવતી સાથે દુષ્કર્મ આચરી અશ્લિલ વીડિયો બનાવ્યો
• આરોપીએ વોટ્સએપ ગ્રુપમાં યુવતીના અશ્લિલ વીડિયો વાયરલ કર્યા

યુવતી સાથે મિત્રતા કરી દુષ્કર્મ આચર્યુ

મધ્ય પ્રદેશના દેવાસમાં રહેતા અમિતેષ કુમાર વિશ્વકર્માએ ઈન્સ્ટાગ્રામ દ્વારા જયપુરની એક મેડિકલ કોલેજમાંથી નર્સિગ કરી રહેલી યુવતી સાથે મિત્રતા કરી હતી. મિત્રતા થયા બાદ યુવકે યુવતીને દેવાસ બોલાવી હતી અને એક હોટલમાં લઇ જઇને દુષ્કર્મ આચર્યુ. પછી થોડા દિવસો બાદ આ યુવક જયપુર આવ્યો અને જયપુરના સિંધી કેમ્પ સ્થિત હોટલમાં 4 દિવસ સુધી દુષ્કર્મ આચર્યુ.

આરોપીએ યુવતીના મોબાઈલમાંથી કોન્ટેક્ટ નંબર લઇ લીધા

આરોપી યુવકે પીડિત નર્સિગ વિદ્યાર્થીનીના સોશિયલ મીડિયા એકાઉન્ટના બારકોડને સ્કેન કર્યુ હતુ. વિદ્યાર્થીનીના મોબાઈલમાં સેવ કરેલા દરેક કોન્ટેક્ટ નંબર પોતાના એકાઉન્ટ પર શેર કર્યા. ત્યારબાદ આરોપીએ પીડિત યુવતીના કોન્ટેક નંબરનું વોટ્સએપ ગ્રુપ બનાવ્યું. આ દરમ્યાન આરોપી યુવક અને વિદ્યાર્થીની વચ્ચે શાબ્દિક ચર્ચા છેડાઈ. ત્યારબાદ આરોપીએ વોટ્સએપ ગ્રુપમાં યુવતીના અશ્લિલ વીડિયો વાયરલ કરી દીધા.

પોલીસે કરી આરોપીની ધરપકડ

ચંદવાજી પોલીસ સ્ટેશનમાં પીડિત યુવતીએ આરોપી વિરુદ્ધ કેસ નોંધાવ્યો. પોલીસ સ્ટેશનના ઈન્ચાર્જ  જિતેન્દ્ર ગંગવાનીએ મહારાષ્ટ્રના નાગપુરમાં એક ખાનગી હોસ્પિટલની બહાર પાણીપુરીની લારી ચલાવનારા આરોપી અમિતેષની ધરપકડ કરી.