આદેશ / હવે અમદાવાદીઓને મળશે ખાડા રાજમાંથી મુક્તિ, દિવાળી પહેલા રોડ રીપેરીંગનાં કામ પૂર્ણ કરવા તંત્રને સૂચના

• અમદાવાદમાં 4 મહિના બાદ બિસ્માર રોડની સમસ્યાથી મળશે મુક્તિ 
• આખું ચોમાસું સિઝન હાલાકી ભોગવ્યા બાદ રોડ રસ્તા રિપેર કરાશે 
• અમદાવાદમાં દિવાળી પહેલા બિસ્માર રસ્તાનું સમારકામ કરાશે 
• નવા બનતા રોડનું ડ્રોનથી મોનિટરિંગ કરવા વિચારણા
• શહેરમાં ઝડપથી નવા રોડ બનાવવા તંત્રને અપાઇ સૂચના

Ahmedabad News : મેગાસિટી અમદાવાદમાં આખું ચોમાસું સિઝન હાલાકી ભોગવ્યા બાદ હવે રોડ રસ્તા રીપેર કરવામાં આવશે. વાત જાણે એમ છે કે, અમદાવાદમાં 4 મહિના બાદ બિસ્માર રોડની સમસ્યાથી મુક્તિ મળશે. જેને લઈ હવે શહેરના વિવિધ વિસ્તારોમાં રોડ-રસ્તા બનાવવાની કામગીરી પર ચાંપતી નજર રાખવા માટે ડ્રોન મારફતે મોનીટરીંગ કરવા માટેની હિલચાલ હાથ ધરાઇ છે. 

અમદાવાદમાં દિવાળી પહેલા બિસ્માર રસ્તાનું સમારકામ કરાશે. જેને લઈ આગામી 4 મહિના બાદ સંભવિત રીતે શહેરીજનોને બિસ્માર રોડની સમસ્યાથી મુક્તિ મળી શકે છે. જોકે આખું ચોમાસું સિઝન હાલાકી ભોગવ્યા બાદ હવે તંત્ર દ્વારા રોડ રસ્તા રિપેર કરાશે. આ તરફ શહેરમાં ઝડપથી નવા રોડ બનાવવા તંત્રને સૂચના અપાઈ છે. 

AMC કમિશ્નરે આપી સૂચના 
રિવ્યુ મિટિંગમાં અમદાવાદમાં દિવાળી પહેલા રોડ રિસરફેસ અને નવા રોડ બનાવવા સહિતની કામગીરીને ઝડપથી પુનર કરવા અમદાવાદ મ્યુનિશિપલ કમિશ્નર એમ.થેન્નારસને સૂચના આપી છે. 

નવા બનતા રોડનુ ડ્રોનથી મોનિટરિંગ કરવા વિચારણા
AMC દ્વારા રોડના કામોનું સુપ્રવિઝન કરી શકાય તે હેતુસર નવીન ટેક્નોલોજીનો ઉપયોગ કરવામાં આવી શકે છે. તંત્ર દ્વારા ડ્રોન મારફતે રોડના કામોનું કોઈપણ સમયે સુપરવિઝ ન કરવા વિચારણા કરવામાં આવી રહી છે. આ સાથે દિવાળીના તહેવારોમાં નાગરિકોને ખાડાવાળા રસ્તા પરથી પસાર ન થવું પડે અને કોઈ હાલાકી ન ભોગવવી પડે તે માટે રોડ-રસ્તાના કામો ઝડપથી પૂર્ણ કરવા સૂચના અપાઈ છે.