IPL 2023 / શું સ્માઇલ છે..! SRKની દીકરી નહીં, તેની બાજુમાં ઊભેલી યુવતી પર આફરીન થયા ફેન્સ, જાણો કોણ છે

• શાહરૂખ ખાનની પુત્રી સુહાનાની મિત્ર શનાયા કપૂર પણ ચર્ચામા
•  મેચ દરમિયાનની તસ્વીર વાયરલ

હાલ આઇપીએલનો બરાબરનો માહોલ જામ્યો છે ત્યારે ગઈકાલે કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે જોરદાર ટક્કર જામી હતી. જેમાં 2023 સીઝનમાં રોયલ ચેલેન્જર્સ બેંગ્લોરને 81 રનને પરાજિત કરી કોલકતાએ પ્રથમ જીત પોતાને નામ કરી હતી. સાથે જ કોલકતાએ આઇપીએલ 2023 માં તેનું ખાતું ખોલ્યું છે. આ મેચ નિહાળવા માટે ઝુહી ચાવલા અને શાહરુખ ખાનની પુત્રી સહિતની ફેમેલી પણ પહોંચી હતી.

IPL 2023 ની 9મી મેચ રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચે ઈડન ગાર્ડન્સ સ્ટેડિયમમાં રમાઈ હતી. પહેલા ગુરબાજ, શાદુર્લ ઠાકુર અને રિંકુ સિંહે બેટિંગ કરી અને પછી વરુણ ચક્રવર્તી, સુયસ શર્મા અને સુનીલ નારાયણે કમાલ કરી આરસીબીને ઘૂંટણિયે પાડી દીધું હતું.

સુહાનાની તસ્વીર વાયરલ
તેવામાં સુહાના ખાન કેકેઆરને ટેકો આપવા માટે સ્ટેડિયમમાં આવી હતી. તે સિઝનની પ્રથમ મેચ માટે ઉત્સાહ આપવા પિતા શાહરૂખ ખાન સાથે આવી હતી. શાહરૂખ ખાનની પુત્રી સુહાના સાથે તેની મિત્ર શનાયા કપૂર પણ ચર્ચામાં આવી છે. જેની તસવીરો સોશિયલ મીડિયા પર વાયરલ થઈ રહી છે. જેની સુંદરતાના મોટે પાયે વખાણ થઇ રહ્યા છે. સુહાનાની આ મિત્ર શનાયા સંજય કપૂર અને મહિપ કપૂરની દીકરી છે અને સુહાનાની ખૂબ સારી મિત્ર છે. આ બંને ઘણીવાર પાર્ટીઓ અને ખાસ પ્રસંગોમાં સાથે જોવા મળે છે.