IPL 2024 / માત્ર RCB જ નહીં, IPLની આ બે ટીમ પણ રહી ચૂકી છે અનલકી, 16 વર્ષમાં એક પણ ટ્રોફી નથી જીતી શકી

ક્રિકેટનો તહેવાર કહેવાતું IPL એટલે કે ઈન્ડિયન પ્રીમિયર લીગની 17મી સીઝન 22 માર્ચથી શરૂ થશે. IPLની શરૂઆત 2008માં થઈ હતી. આ વખતેની IPL 2024ની પ્રથમ મેચ ડિફેન્ડિંગ ચેમ્પિયન ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે 22 માર્ચે એમએ ચિદમ્બરમ સ્ટેડિયમમાં રમાશે. 

હવે એ વાત તો જાણીતી જ છે કે ચેન્નાઈ સુપર કિંગ્સે ગઈ સિઝનમાં તેનું પાંચમું આઈપીએલ ટાઈટલ જીતીને મુંબઈ ઈન્ડિયન્સના રેકોર્ડની બરાબરી કરી હતી. IPLના ઈતિહાસમાં પાંચ વખત ટ્રોફી જીતનારી આ બે ટીમો છે. જો કે છેલ્લા 16 વર્ષમાં કેટલીક ટીમો એવી છે જે એક વખત પણ ચેમ્પિયન બની શકી નથી. ચાલો જાણીએ કઈ છે આ ટીમો.. 

IPL 2022 પહેલા લીગમાં કુલ 8 ટીમો એકબીજા સાથે ટકરાતી હતી, જો કે એ બાદ ફેરફાર કરવામાં આવ્યો અને બે નવી ટીમોનો સમાવેશ કરીને તેમની સંખ્યા 10 પર લઈ લીધી. 2008થી આયર સુધી લીગમાં ઘણા ફેરફારો કરવામાં આવ્યા પણ અત્યાર સુધી એક વસ્તુ નથી બદલાઈ અને એ છે રોયલ ચેલેન્જર્સ બેંગ્લોર, દિલ્હી કેપિટલ્સ અને પંજાબ કિંગ્સની ખિતાબ જીતવામાં નિષ્ફળતા.

હવે જે લોકો આઇપીએલના ચાહકો છે એમને ખબર જ હશે કે આ લીગમાં આ ત્રણેય ટીમોને ફાઈનલ રમવાની તક મળી છે, પરંતુ તેઓ એક વખત પણ ચેમ્પિયન બની શકી નથી, સાથે જ આ ટીમો IPLની પ્રથમ સિઝનથી આ ટૂર્નામેન્ટમાં ભાગ લઈ રહી છે. 

જાણીતું છે કે દિલ્હી ડેરડેવિલ્સ ટીમે તેનું નામ બદલીને દિલ્હી કેપિટલ્સ કરવામાં આવ્યું તો કિંગ્સ ઈલેવન પંજાબનું નામ હવે પંજાબ કિંગ્સ થઈ ગયું છે. નામમાં ફેરફાર છતાં આ ટીમ ચેમ્પિયન બનવામાં સફળ રહી નથી. આ ત્રણેય ટીમોમાંથી લોકો ખાસ કોહલીની ટીમ RCBના જીતવાની રાહ જોઈ રહ્યા છે. 

વધુ વાંચો: અકસ્માતમાં ઋષભ પંતને થઈ હતી ગંભીર ઈજા, મેદાનમાં આવવું શક્ય જ ન હતું, થઈ ચમત્કારિક વાપસી

IPLમાં ચેમ્પિયન બનેલી ટીમો:
રાજસ્થાન રોયલ્સ (2008)
ચેન્નાઈ સુપર કિંગ્સ (2010, 2011, 2018, 2021, 2023)
ડેક્કન ચાર્જર્સ (2009)
મુંબઈ ઈન્ડિયન્સ (2013, 2015,2017,2019,2020)
સનરાઇઝર્સ હૈદરાબાદ (2016)
કોલકાતા નાઈટ રાઈડર્સ (2012,2014)
ગુજરાત ટાઇટન્સ (2022)

VTV ગુજરાતી સમાચારની તમામ અપડેટ પહેલા મેળવવા માટે અમારી WhatsApp ચેનલને અનુસરો.