નોઈડા / આવરાતત્વોએ જાત દેખાડી ! રોડ પર જઈ રહેલી છોકરીને કર્યું બેડ ટચ, વિરોધ કર્યો તો બાઇક ભગાવી મૂક્યું, ગંદી હરકતનો વીડિયો વાયરલ

• નોઈડામાં આવારાતત્વોએ જાહેરમાં છોકરીઓની કરી છેડતી
• છેડતીનો વીડિયો સોશિયલ મીડિયા પર થયો વાયરલ
• બાઈક સવાર બદમાશોએ છોકરીઓને ખોટી રીતે સ્પર્શ કર્યો 

છેલ્લા ઘણા સમયથી ક્રાઈમની ઘટનામાં ઉત્તરોત્તર વધારો થઈ રહ્યો છે. આવારાતત્વો બેફામ બન્યા છે. આવા લોકોને જાણે કે કાયદાનો ડર જ ન હોય તેમ જાહેરમાં છોકરીઓને છેડતી કરી રહ્યા છે. હાલમાં જ આવી એક ઘટના પ્રકાશમાં આવી છે. નોઈડામાં રસ્તામાં બદમાશોએ છોકરીઓની છેડતી કરી, જેનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે બે યુવકો બાઇક પર જઈ રહ્યા છે. બે છોકરીઓ રસ્તા પરથી પસાર થઈ રહી છે. બાઈક સવાર બદમાશોએ છોકરીઓને ખોટી રીતે સ્પર્શ કર્યો હતો. આ જોઈને યુવતી ચોંકી ગઈ હતી. આ પછી આરોપી સ્થળ પરથી ફરાર થઈ ગયા હતા. આ વીડિયો નોઈડાના સેક્ટર-62નો જણાવવામાં આવી રહ્યો છે. આ વીડિયો સોશિયલ મીડિયા પર વાયરલ થયા પછી પોલીસ એક્શનમાં આવી ગઈ.

नोएडा के सेक्टर-62 में बाइक सवार मनचलों ने युवती से की छेड़खानी#NoidaPolice #Noida @noidapolice pic.twitter.com/XISCI6bt58

— Gautam Geetarjun (गीतार्जुन) (@GautamGeetarjun) June 3, 2023

આરોપીઓની ધરપકડ કરવામાં આવશે

પોલીસનું કહેવું છે કે મહિલા સુરક્ષા ટીમ અને સ્થાનિક પોલીસ દ્વારા સીસીટીવી ફૂટેજ દ્વારા આરોપીઓની શોધ કરવામાં આવી રહી છે. શાંત અને સંવેદનશીલ સ્થળોએ પણ અસરકારક પેટ્રોલિંગ કરવામાં આવે છે. ટૂંક સમયમાં આરોપીઓની ધરપકડ કરવામાં આવશે.