- દિલ્હી મેટ્રોમાં બિકિની ગર્લનો વિડીયો વાયરલ થયો હતો.
- અમેરિકાના ન્યૂયોર્ક સિટીમાં યુવક ચાલુ મેટ્રોમાં નહાવા લાગે છે.
- વાયરલ વિડીયો પર લોકોએ આપી અલગ અલગ પ્રતિક્રિયા.
ઈન્ટરનેટની દુનિયામાં અનેક વિડીયો સામે આવતા હોય છે. છેલ્લા ઘણા સમયથી મેટ્રોમાં વિડીયો બનાવવાનો ટ્રેન્ડ ચાલી રહ્યો છે. તાજેતરમાં દિલ્હી મેટ્રોમાં બિકિની ગર્લનો વિડીયો વાયરલ થયો હતો. અમેરિકાના ન્યૂયોર્ક સિટી (New York City)માંથી આ જ પ્રકારનો એક વિડીયો સામે આવ્યો છે. આ વિડીયોમાં યુવક ચાલુ મેટ્રોએ અચાનકથી કપડા ઉતારીને નહાવા લાગે છે. આ વિડીયો સોશિયલ મીડિયા પર વાયરલ થઈ રહ્યો છે.
વિડીયોમાં જોવા મળે છે કે, એક યુવક સફેદ શર્ટ અને બ્લેક પેન્ટ પહેરીને મેટ્રોમાં સફર કરે છે. તેની પાસે એક મહિલા બેઠી છે. તે સમયે આ યુવક અચાનકથી સીટ પરથી ઉભો થાય છે અને પોતાનો શર્ટ કાઢી નાખે છે અને પછી પેન્ટ પણ કાઢી નાખે છે. ત્યારબાદ સૂટકેસ ખોલે છે, તેણે નાના જેરીકેન વડે બોક્સમાં પાણી રેડ્યું. આ પછી તે સૂટકેસની અંદર ઊભો રહ્યો. આ પછી તેણે પોતાના શરીર પર સાબુ લગાવ્યો. સૂટકેસમાંથી પાણીની બોટલ કાઢીને પોતાના પર નાખવા લાગે છે ત્યાર પછી સ્પંજથી નહાવા લાગે છે.
સોશિયલ મીડિયા પર વાયરલ વિડીયો
મેટ્રોમાં પાણી અને સાબુથી નહાયા પછી સૂટકેસમાંથી ટુવાલ કાઢે છે અને શરીર લૂછવા લાગે છે. યુવકની આ પ્રકારની હરકત જોઈને બાજુમાં બેઠેલી મહિલા તથા અન્ય એક વ્યક્તિ ઉભા થઈને જતા રહે છે. સોશિયલ મીડિયા પર આ વિડીયો ખૂબ જ વાયરલ થઈ રહ્યો છે. આ વિડીયો શેર કરીને લોકો અલગ અલગ પ્રતિક્રિયા આપી રહ્યા છે. વિડીયોમાં જોવા મળી રહ્યું છે કે, આ વ્યક્તિ જ્યારે મેટ્રોમાંથી બહાર નીકળે છે ત્યારે લોકોની સામે સ્માઈલ કરે છે અને તેને જોઈને લોકો હસવા લાગે છે.
.png)
