તમારા કામનું / WhatsApp નું એવું ફીચર જે જાણી સૌ કોઈ ખુશ થઈ જશે... આ રીતે પાછા આવી જશે Delete Message

• વોટ્સએપ પર આવશે નવું એક ફીચર્સ 
• ભૂલથી મેસેજ ડિલીટ ફરીથી લાવી શકાશે
• હાલ આ ફીચર્સ બીટા ફેઝમાં લાગુ

વોટ્સએપ વપરાશકર્તાના અનુભવને સુધારવા માટે સમયાંતરે અપડેટ્સ બહાર પાડે છે. આ એપ દ્વારા હાલમાં જ ઘણા એવા ફિચર્સ રજૂ કરવામાં આવ્યા છે, જેની લોકો લાંબા સમયથી રાહ જોઈ રહ્યા હતા. ટૂંક સમયમાં જ વોટ્સએપ યુઝર્સને એક નવું ફીચર મળવાનું છે, જેની માંગ ઘણા સમયથી ચાલી રહી છે. 

ભૂલથી ડિલીટ થયેલ મેસેજ ફરી લાવી શકશો
હવે વાત થઇ રહી છે ડિલીટ કરેલા મેસેજને રિકવર કરવાની. આ મદદથી તમે ભૂલથી ડિલીટ થયેલા મેસેજને રિકવર કરી શકો છો. WhatsApp ટ્રિકની મદદથી તમે તમારી ભૂલ સુધારી શકો છો. આ ફીચરને વોટ્સએપ ફીચર્સ પર નજર રાખતા ટ્રેકિંગ પોર્ટલ WABetaInfo દ્વારા જોવામાં આવ્યું છે. એટલે કે આ ફીચર હાલ બીટા ફેઝમાં છે.

કેવી રીતે કામ કરશે WhatsAppનું નવું ફિચર
આ સુવિધા અન્ય પ્લેટફોર્મ પર અનડુ ફીચરની જેમ જ કામ કરશે. WABetaInfo એ આ ફીચરનો સ્ક્રીનશોટ પણ શેર કર્યો  છે. જેવો તમે કોઈ મેસેજ ડિલીટ કરશો કે તરત જ તમને થોડી સેકન્ડ્સ મળી જશે.

રિકવર થશે મેસેજ
આ સમય દરમિયાન જો તમને લાગે કે આ મેસેજ ભૂલથી ડિલીટ થઇ ગયો છે તો તમે તેને રિકવરી કરી શકો છો. એટલે કે, તમે ડિલીટ કરેલા મેસેજને રિકવર કરી શકો છો. વોટ્સએપનું આ ફીચર એન્ડ્રોઇડ બીટા વર્ઝન 2.22.18.13 પર જોવા મળ્યું છે.