હત્યા / જયપુરમાં ભત્રીજાએ કાકીની હથોડા મારીને હત્યા કરી, કટર મશીનની લાશના 10 ટુકડા કરીને જંગલમાં ફેંક્યા

• જયપુરના વિદ્યાધરનગરમાં હત્યાની ચોંકાવનારી ઘટના
• ભત્રીજાએ કાકીને હથોડાના આડેધડ ઘા ઝીંકી મોતને ઘાટ ઉતારી
• લાશના 10 જેટલા ટુકડા કરી જંગલમાં ફેંકી દીધા

શ્રદ્ધા હત્યા કેસની શાહી હજુ શુકાણી નથી ત્યાં જયપુરમાં હત્યાનો સનસનાટી મચાવતો કિસ્સો સામેં આવ્યો છે. જેમાં ભત્રીજાએ કાકી પર બેરહેમીથી હથોડાના આડેધડ ઘા ઝીંકી મોતને ઘાટ ઉતારી દીધી હતી. ત્યારબાદ  કટર મશીન વડે લાશના 10 જેટલા ટુકડા કરી જંગલમાં ફેંકી દીધા હોવાનું સામે આવતા હાહાકાર મચી ગયો છે. બીજી તરફ આ ઘટના અંગેના CCTV  પણને હાથે લાગ્યા છે. જેમાં આરોપી લાશના ટુકડાને બેગમાં ભરી જંગલમાં ફેંકવા જતો હોવાનું સ્પષ્ટ દેખાઈ રહ્યું છે.

જયપુરના વિદ્યાધરનગર વિસ્તારની ઘટના

દિલ્હીમાં શ્રદ્ધા વોકરની જઘન્ય હત્યાની ઘટના સામે આવી હતી. જેમાં તેના લિવ-ઈન પાર્ટનર દ્વારા હત્યા નિપજાવવામાં આવી હોવાથી સમગ્ર દેશમાં આ ઘટના ગાજી હતી. જેને લોકો પણ હજુ સુધી ભૂલી શક્યા નથી. તેવામાં હવે આવો જ એક કિસ્સો રાજસ્થાનના જયપુર ખાતે પ્રકાશમાં આવ્યો હતો. જયપુરના વિદ્યાધરનગર વિસ્તારના લાલપુરિયા એપાર્ટમેન્ટ સેક્ટર-2માં 11 ડિસેમ્બરે અનુજે તેની કાકી સરોજ શર્મા (64)ને માથામાં હથોડી વડે માર માર્યો હતો. ત્યારબાદ ભત્રીજાએ તેની વિધવા કાકી સરોજ શર્માને મોતને ઘાટ ઉતારી દીધી હતી. ત્યારબાદ કટર મશીન વડે તેના શરીરના 10 ટુકડા કરી જંગલમાં ફેંકી આવ્યો હતા.

પોલીસે આરોપીને દબોચી લીધો
આ મામલે પોલીસે આરોપી અનુજ શર્મા ઉર્ફે અચિન્ત્ય ગોવિંદદાસને દબોચી લીધો છે. તેમજ પોલીસ દ્વારા તપાસ હાથ ધરીને જંગલમાંથી શરીરના કેટલાક અંગો મળી આવતા કબ્જે કરાયા હતા. આ ઉપરાંત અંગો મામલે પોલીસ હજુ પણ જંગલમાં તપાસ ચલાવી રહી છે. જ્યારે હત્યામાં વપરાયેલ હથિયારો અને અન્ય વસ્તુઓ પોલીસે કબજે કરી લીધી છે