કાકા-ભત્રીજા કેમ મળ્યાં / મહારાષ્ટ્રમાં મોટો ટ્વિસ્ટ, શરદ પવાર- અજિતે ખાનગીમાં 'રાંધી લાપસી', ઉદ્યોગપતિના બંગલે 1 કલાક સિક્રેટ મીટિંગ

• મહારાષ્ટ્રમાં ફરી નવો રાજકીય ઘટનાક્રમ 
• શરદ પવાર અને અજિત પવાર ખાનગીમાં એક કલાક મળ્યાં
• ઉદ્યોગપતિ અતુલ ચોરડિયાને બંગલે થઈ બેઠક 

મહારાષ્ટ્રમાં ફરી એકવાર નવો રાજકીય ઘટનાક્રમ જોવા મળી રહ્યો છે. શનિવારે એનસીપી પ્રમુખ શરદ પવાર અને પાર્ટીના બાગી નેતા અજિત પવાર વચ્ચે ગુપ્ત બેઠક યોજાઇ હતી. આ બેઠકમાં ઉદ્યોગપતિ અતુલ ચોરડિયાની મહત્વની ભૂમિકા રહી હતી અને આ બેઠક તેમના બંગલે યોજાઈ હતી. આ બેઠકમાં કાકા-ભત્રીજા વચ્ચે શું વાત થઈ તે અંગે કોઈ સત્તાવાર માહિતી મળી નથી, પરંતુ બંને લાંબા સમય સુધી વાતો કરતા રહ્યા. સૂત્રોના જણાવ્યા અનુસાર શરદ પવાર અને અજિત વચ્ચેની આ બેઠક એક કલાકથી વધુ સમય સુધી ચાલી હતી. 

કાકા-ભત્રીજાની મુલાકાત બાદ રાજનીતિમાં જાતજાતની ચર્ચાઓ 
કાકા-ભત્રીજા વચ્ચેની આ મુલાકાત બાદ રાજકારણમાં ચર્ચાઓ શરૂ થઇ ગઇ છે. શિવસેના (શિંદે જૂથ)ના ધારાસભ્ય સંજય શિરસાતે કહ્યું કે શરદ પવાર 2024 માં પીએમ મોદીને ટેકો આપી શકે છે.

ગત મહિને અજિત પવારે કર્યો હતો બળવો 
ઉલ્લેખનીય છે કે ગયા મહિનાની શરૂઆતમાં મહારાષ્ટ્રના રાજકારણમાં ભૂકંપ આવવા જેવો ઘાટ થયો હતો જ્યારે અજિત પવારે બળવો કર્યો હતો. તેમણે એનસીપીના ઘણા દિગ્ગજ ધારાસભ્યો સાથે મહારાષ્ટ્રની શિંદે સરકાર સાથે હાથ મિલાવ્યા હતા. આ પછી અજિત પવારને ડેપ્યુટી સીએમ બનાવવામાં આવ્યા અને બીજા ઘણા ધારાસભ્યોને મંત્રી બનાવવામાં આવ્યા.