- સાઉથ સુપરસ્ટાર નયનતારા પર ઉતરી ભગવાનની કૃપા
- લગ્નના ચાર મહિના બાદ બની માતા
- જોડિયા બાળકોને આપ્યો જન્મ
- બન્ને છોકરા, પત્ની વિગ્નેશ શિવને નવજાતની તસવીર શેર કરી
- 9 જૂન 2022ના દિવસે નયનતારા અને વિગ્નેશે ચેન્નઈમાં કર્યાં હતા લગ્ન
સાઉથની સુપરસ્ટાર એક્ટ્રેસ નયનતારા ઘેર પારણું બંધાયું છે. લગ્નના ચાર મહિના બાદ નયનતારાએ જોડિયા છોકરાને જન્મ આપ્યો છે. નયનતારાના પતિ વિગ્નેશ શિવને બાળકો સાથે પોતાના ફોટો શેર કરીને ફેન્સને ખુશખબરી આપી છે. શિવને પોતાના અને પત્ની નયનતારાના ઘણા ફોટા શેર કર્યા છે, જેમાં તે બંને બાળકોના પગ ચૂમતો જોવા મળી રહ્યો છે. નયનતારા અને વિગ્નેશ શિવન તેમના બંને પુત્રોના નાના પગને ચુંબન કરીને ખૂબ જ ખુશ છે. ફોટા શેર કરતા વિગ્નેશ શિવને લખ્યું, "નયન અને હું આજે અમ્મા અને અપ્પા બની ગયા છીએ. અમારે જોડિયા પુત્રો છે. આપણી બધી પ્રાર્થનાઓ, આપણા પૂર્વજોના આશીર્વાદ, અમને તે આપણા બે બાળકોના રૂપમાં મળી છે. અમને તમારી બધી પ્રાર્થનાઓની જરૂર છે. ઉયર અને ઉલગામ."
નયનતારાએ વિગ્નેશ સાથે જુન 2022માં કર્યા હતા લગ્ન
નયનતારા અને વિગ્નેશ શિવાનના લગ્ન આ વર્ષે 9 જૂને ચેન્નઈમાં થયા હતા. અભિનેતા-દિગ્દર્શકની આ જોડીને ચાહકો ખૂબ જ પસંદ કરે છે. આવી સ્થિતિમાં ચાહકોએ બંનેને અભિનંદન આપીને ખુશી વ્યક્ત કરી હતી. નયનતારા અને વિગ્નેશના લગ્નના ઘણા ફોટા પણ વાયરલ થયા હતા. સુપરસ્ટાર શાહરૂખ ખાન, વિજય સેઠુપતિ અને દિગ્દર્શક એટલી પણ નયનતારાના લગ્નમાં હાજર રહ્યા હતા.
શાહરુખ ખાન સાથે નયનતારાની ફિલ્મ આવી રહી છે
પ્રોજેક્ટ્સના મોરચે વાત કરીએ તો નયનતારા ટૂંક સમયમાં જ શાહરૂખ ખાન સાથે જોવા મળશે. દિગ્દર્શક એટલીની ફિલ્મ જવાનમાં નયનતારા અગ્રણી મહિલા બની ગઈ છે. વિજય સેઠુપતિ તેમાં વિલનની ભૂમિકા નિભાવશે અને થલાપથી વિજય કેમિયો કરશે. થોડા દિવસ પહેલા જ જવાન ફિલ્મનું શૂટિંગ પૂરું થઇ ગયું છે. આ ફિલ્મ 2023માં રિલીઝ થવાની છે.
