જ્યોતિષ શાસ્ત્ર / નવરાત્રીમાં માતાજીની અખંડ જ્યોત પ્રગટાવતા પહેલાં જાણી લેજો સાચી દિશા, જાણો શું કહે છે વાસ્તુ શાસ્ત્ર

• 15 ઓક્ટોબરથી શરૂ થશે નવરાત્રી 
• 9 દિવસ ભક્તો કરશે માતાજીની પૂજા 
• અખંડ જ્યોતને લઈને રાખજો આ સાવધાની 

શારદીય નવરાત્રીની શરૂઆત 15 ઓક્ટોબરથી થવા જઈ રહી છે. આ દિવસથી આવતા 9 દિવસ સુધી ઘરમાં માતાજી બિરાજમાન રહેશે. આશા મહિનાના શુક્લ પક્ષની પ્રતિપદા તિથિ એટલે કે 15 ઓક્ટોબરે શારદીય નવરાત્રી શરૂ થઈને 23 ઓક્ટોબર સુધી ચાલશે. 

વાસ્તુ નિયમોનું કરો પાલન 
નવરાત્રી વખતે આપણે વાસ્તુ નિયમોનું પાલન કરવું જોઈએ. જો તમે યોગ્ય દિશામાં યોગ્ય રીતે કામ કરશો તો તમને શુભ ફળની પ્રાપ્તિ થઈ શકે છે. આ સમયમાં માતાજીની અખંડ જ્યોતને ઘરમાં ક્યા અને કઈ દિશામાં પ્રગટાવવી જોઈએ આવો જાણીએ તેના વિશે. 

નવરાત્રીની પૂજા અખંડ જ્યોત વગર અધૂરી માનવામાં આવે છે. માટે આ સમયમાં ઘરમાં માતાજીની અખંડ જ્યોત પ્રગટાવવામાં આવે છે. વાસ્તુ અનુસાર માતાજીની જ્યોત પ્રગટાવવા માટે આગ્નેય કોણ એટલે કે પૂર્વ દક્ષિણ દિશા શુભ માનવામાં આવે છે. પરંતુ એ વાતનું ધ્યાન રાખો કે પૂજા વખતે જ્યોતનું મુખ પૂર્વ કે ઉત્તર દિશામાં રહે. 

એ વાતનું ધ્યાન રાખો કે નવરાત્રીમાં માતાની અખંડ જ્યોતની અગ્ની ઉપરની તરફ વધતી હોય. આ શુભ સંકેત છે. એવી માન્યતા છે કે જો ઉત્તર દિશામાં અખંડ જ્યોતની ફ્લેમ હોય તો ધનલાભ થાય છે અને દક્ષિણ દિશામાં દિવાની ફ્લેમ હોવાથી ધનહાની થાય છે.