રાહત / મોરબી સિરામિક ઉદ્યોગકારો માટે ગુડ ન્યૂઝ, ગુજરાત ગેસે નેચરલ ગેસના ભાવમાં કર્યો આટલો ઘટાડો, જુઓ હવે કેટલી કિંમતે પડશે

• મોરબી સીરામીક ઉદ્યોગમાં વપરાતા નેચરલ ગેસના ભાવમાં ઘટાડો 
• ગુજરાત ગેસના ભાવમાં રૂ.5 જેટલો ઘટાડો કરવાનો નિર્ણય
• રૂ.45.91ના ભાવે મળતો નેચરલ ગેસ રૂ.40.86માં મળશે

  મોરબી સિરામિક ઉદ્યોગને મોટી રાહત આપવામાં આવી છે. જેમાં ગુજરાત ગેસ દ્વારા ગેસના ભાવમાં પાંચ રૂપિયાનો ઘટાડો કરવામાં આવ્યો છે ઉલ્લેખનીય છે કે મોરબી સિરામિક ઉદ્યોગ હાલ મંદિરના મચડે લટકી રહ્યો છે. ત્યારે આ ઉદ્યોગમાં ચેતણવંતા પ્રાણ પુરવા ગુજરાત ગેસના ભાવમાં પાંચ રૂપિયાનો ઘટાડો જાહેર કરવામાં આવ્યો છે. આથી ઉદ્યોગકારોએ હાશકારો અનુભવ્યો છે. તો બીજી બાજુ હજુ પણ થોડા ઘટાડાની ઉદ્યોગકારો આશા અને માંગ સેવી રહ્યા છે.

 ગેસના ભાવમાં પાંચ રૂપિયાની રાહત આપવામાં આવી

મોરબીના વિશ્વવિખ્યાત સિરામિક ઉદ્યોગમાં વપરાતા નેચરલ ગેસના ભાવમાં ઘટાડો કરવાની માંગને લઈ અને ઉદ્યોગકારો દ્વારા અનેક વખત ઉચ્ચ કક્ષાએ રજૂઆત કરવામાં આવી હતી. જે રજૂઆતના સફળ પડઘા પડ્યા છે અને ઉદ્યોગકારોને ગેસના ભાવમાં પાંચ રૂપિયાની રાહત આપવામાં આવી છે. નોંધનીય છે કે ગેસના ભાવમાં એમજીઓ કરનાર ઉદ્યોગ માટે અગાઉ 45.91 ઉપરાંત 6 ટકા વેટ હતામ જે હવે 40.62 પલસ 6 ટકા વેટ કરી નાખવામાં આવ્યા છે. આ ઉપરાંત નોન એમજીઓ એકમ માટે અગાઉ 58.79 હતા જે ઘટાડીને 53.79 પલ્સ વેંટ કરવામાં આવ્યો છે.

પહેલી મે થી નેચરલ ગેસના નવા ભાવ લાગુ
પહેલી મે થી નેચરલ ગેસના નવા ભાવ લાગુ થશે. મહત્વનું છે કે હાલ મોરબીનો સિરામિક ઉદ્યોગ મંદીના વમળમાં સપડાયો છે. ત્યારે ગેસ કંપની દ્વારા કરવામાં આવેલ આ ભાવ ઘટાડો આવકારદાયક છે. પરંતુ હજુ પણ ઉદ્યોગકારો રાહતની આશા સેવી રહ્યા છે. તેવું સિરામિક એસોસિયેશનના પ્રમુખ વિનોદ ભાડજાએ જણાવ્યું હતું.