Gadgets Latest News: અશ્વિની વૈષ્ણવે સોશિયલ મીડિયા પ્લેટફોર્મ ગૂગલ અને ફેસબુકની કામગીરી પર નારાજગી વ્યક્ત કરી
Share
Gadgets News : Google અને Facebookની કામગીરીને લઈ કેન્દ્ર સરકાર નારાજ જોવા મળી રહી છે. મોદી સરકારના આઈટી મંત્રી અશ્વિની વૈષ્ણવે સોશિયલ મીડિયા પ્લેટફોર્મ ગૂગલ અને ફેસબુકની કામગીરી પર નારાજગી વ્યક્ત કરી છે. તેમણે કહ્યું કે, સોશિયલ મીડિયા પ્લેટફોર્મ પર કંઈપણ પોસ્ટ કરવાનું શક્ય બનશે નહીં. મેટા, ગૂગલ, એમેઝોન અને માઈક્રોસોફ્ટને સંબોધતા મંત્રીએ કહ્યું કે, તમામ સોશિયલ મીડિયા કંપનીઓએ તેમની જવાબદારી નિભાવવી પડશે. તેઓએ જોવું પડશે કે તેમના પ્લેટફોર્મ પર શું પોસ્ટ થઈ રહ્યું છે અને શું નથી.
સોશિયલ મીડિયા માટે નવો કાયદો આવશે ?
આઈટી મંત્રી અશ્વિની વૈષ્ણવે સ્પષ્ટ કર્યું કે, સોશિયલ મીડિયા કંપનીઓનું ઢીલું વલણ ચાલશે નહીં. તેમના પ્લેટફોર્મ પર જે પ્રસિદ્ધ થશે તેની જવાબદારી તેમની રહેશે. અને ખોટી માહિતી અને સમાચારોનો સામનો કરવા માટે તકનીકી ઉકેલો શોધવા પડશે, જેથી સમાજ અને લોકશાહીને નુકસાન ન થાય. સરકારે ચૂંટણી પછી ડીપફેક્સ અને ફેક ન્યૂઝનો સામનો કરવા માટે કાયદાકીય માળખાને લાગુ કરવાની વાત કરી હતી.
આ સાથે સરકારે કહ્યું કે, સોશિયલ મીડિયા પર ફરતા ફેક ન્યૂઝ અને ડીપ ફેક્સ પર ઝીરો ટોલરન્સ લાગુ કરવામાં આવશે. તેમજ AI મોડલ બનાવવા માટે સરકાર પાસેથી પરવાનગી લેવી પડશે. નોંધનિય છે કે, લગભગ 2 અઠવાડિયા પહેલા ગૂગલના જેમિની AI ટૂલે પીએમ નરેન્દ્ર મોદી વિશે ખોટા સમાચાર પ્રકાશિત કર્યા હતા. તમને ખબર જ છે કે ભારતમાં ચૂંટણી યોજાવાની છે. આવી સ્થિતિમાં AI ટૂલ્સ અને ડીપફેક્સના દુરુપયોગને લઈને ચિંતા વધી ગઈ છે. આ જોતાં સરકાર સતર્ક બની છે, જેથી કરીને ચૂંટણી ભ્રામક સમાચારોથી પ્રભાવિત ન થાય.
