-
સુરતના ઉતરાણ વિસ્તારમાં 10 વર્ષના કિશોર સાથે સૃષ્ટિ વિરુદ્ધના કૃત્યનો પ્રયાસ
- સલૂનમાં વાળ કપાવવા ગયેલા તરુણ સાથે બની ઘટના
- સલૂનમાં કામ કરતા યુવકે કિશોર સાથે બળજબરીનો કર્યો પ્રયાસ
સુરતના ઉતરાણ વિસ્તારમાં ચકચારી ઘટના પ્રકાસમાં આવી છે. જેમાં 10 વર્ષના તરુણ સાથે સૃષ્ટિ વિરુદ્ધનું કૃત્ય કરવાનો પ્રયાસ કરાતા સનસનાટી મચી ગઇ હતી. તરુણ જ્યારે સલૂનમાં વાળ કપાવવા ગયો હતો. આ દરમિયાન સલૂનમાં કામ કરતા યુવકે તરુણ સાથે બળજબરીનો પ્રયાસ કરતા કિશોર હેબતાઈ ગયો હતો અને તેમને બુમાબુમ કરી મૂકી હતી. બાદ મા મહામેન મહામહેનતે સકંજામાંથી નાસી છૂટ્યો હતો. જે ઘટના પ્રકાશમાં આવતા હાહાકાર મચી ગયો છે.
કિશોરે બૂમાબૂમ કરી આરોપીના સકંજામાંથી નાસી છૂટ્યો
આ મામલે પોલીસ ચોપડે નોંધાયેલી વિગત એવી છે કે સુરતના મોટા વરાછા વિસ્તારમાં સહજાનંદ હાઇટ્સની સામે હેર સલૂન ધરાવતો રાજેશકુમાર ઉર્ફે રાજુ ડાલચંદ સિક્કાવાલા નામના 24 વર્ષીય શખ્સે આ પ્રકારનું કૃત્ય કર્યું હોવાની ફરિયાદ ઉઠી છે. ગત તા. 8 ના રોજ તરુણ હેર કટીંગ માટે આરોપીની દુકાને ગયો હતો. આ દરમિયાન રાજુકુમારે તેમને વાળ ધોય આપી અને હેર સ્ટાઈલ કરી દેવાના બહાને બાથરૂમમાં બોલાવ્યો હતો.
પોલીસે નરાધમ આરોપીની કરી ધરપકડ
બાળક બાથરૂમમાં આવતાની સાથે જ આરોપીએ મીઠી મીઠી વાતો કરી અને તરુણના કપડા કાઢવાનું શરૂ કર્યું હતું. અને ખરાબ કૃત્ય કરવા લાગતા તરુણને અજુગતું લાગ્યું અને બૂમાબૂમ કરી મૂકી હતી. આરોપીએ ભાગવાનો પ્રયાસ કર્યો હતો. બાદમાં તરુણે ઘરે પહોંચી પિતાને સમગ્ર હકીકત જણાવતા પરિવારજનોએ ઉત્રાણ પોલીસ સ્ટેશનનો સંપર્ક કર્યો હતો. જ્યાં સમગ્ર મામલો પોલીસ સમક્ષ મુકતા પોલીસે આરોપી રાજકુમાર વિરુદ્ધ ગુનો નોંધી તેમને દબોચી લીધો હોવાનું જાણવા મળી રહ્યું છે.
