કેસ / કેબિનેટ મંત્રી રાઘવજી પટેલને મોટી રાહત, માનહાની કેસ પર ગુજરાત HCનો હાલ પૂરતો સ્ટે

• રાઘવજી પટેલને વચગાળાની રાહત
• હાઇકોર્ટ તરફથી મળી રાહત
• બદનક્ષીની ફરિયાદની કાર્યવાહી પર રોક

રાજ્યના કૃષિ મંત્રી રાઘવજી પટેલને ગુજરાત હાઈકોર્ટ તરફથી વચગાળાની રાહત મળી છે. રાઘવજી પટેલ સામેની બદનક્ષીની ફરિયાદમાં કાર્યવાહી પર કોર્ટે મનાઈ હુકમ ફરમાવ્યો છે. અત્રે જણાવી દઈએ કે, વર્ષ 2004માં ધ્રોલમાં રહેતા એક વ્યક્તિએ બદનક્ષીની ફરિયાદ કરી હતી.

જોડિયા કોર્ટના આદેશને હાઈકોર્ટમાં પડકાર્યો હતો
રાઘવજી પટેલ વિરૂદ્ધ વર્ષ 2004માં ધ્રાોલના વતની એક યુવકે બદનક્ષીની ફરિયાદ નોંધાવી હતી. જે મામલાની ફરિયાદ પર જોડિયાની કોર્ટે ફોજદારી કાર્યવાહીનો સામનો કરવા હુકમ કર્યો હતો. રાઘવજી પટેલે જોડિયા કોર્ટના આદેશને હાઈકોર્ટમાં પડકાર્યો હતો. જે કેસમાં હાઈકોર્ટે રાઘવજી પટેલની પિટિશન એડમિટ કરી આગળની કાર્યવાહી પર તાકીદનો મનાઈ હુકમ કર્યો છે.

રાઘવજી પટેલને વચગાળાની રાહત
રાઘવજી પટેલે બદનક્ષીની ફરિયાદ કાર્યવાહીમાં જોડિયાની કોર્ટેના આદેશને પડકારતી હાઈ કોર્ટમાં અરજી કરી હતી. જે અરજી મુદ્દે હાઈકોર્ટ રાઘવજી પટેલને વચગાળાની રાહત આપી છે.