સાચવજો / આ તારીખે સૌરાષ્ટ્રમાં અતિભારે વરસાદની આગાહી, અમદાવાદ-ગાંધીનગર સહિત 3 દિવસમાં આખું ગુજરાત ઘમરોળશે મેઘરાજા

• આગામી 3 દિવસ વરસાદની આગાહી
• સૌરાષ્ટ્રમાં અતિભારે વરસાદની આગાહી
• 24 જુલાઈ બાદ વરસાદનું જોર ઘટશે

સૌરાષ્ટ્ર સહિતના વિસ્તારોમાં રાજ્યના હવામાન વિભાગ વધુ એકવાર વરસાદની આગાહી કરી છે. આગામી 3 દિવસ સમગ્ર ગુજરાતમાં વરસાદ રહેશે જેમાં કેટલાક વિસ્તારોમાં ભારેથી અતિભારે અને અત્યંત ભારે વરસાદ રહેશે. આવતીકાલે અત્યંત ભારે વરસાદની આગાહી કરાઈ છે.

24 જુલાઈ બાદ વરસાદનું જોર ઘટશે
આપને જણાવી દઈએ કે, આગામી 3 દિવસ વરસાદની આગાહી કરાઈ છે જેમાં સૌરાષ્ટ્રમાં અતિભારે આગાહી છે જ્યારે 24 જુલાઈ બાદ વરસાદનું જોર ઘટશે. અમદાવાદ, ગાંધીનગરમાં વરસાદની સંભાવનાછે. આપને જણાવી દઈએ કે, અત્યાર સુધી 65 ટકાથી વધુ વરસાદ નોંધાયો છે. માછીમારોને આગામી 5 દિવસ દરિયો ન ખેડવા સૂચના અપાઈ છે. નવસારીમાં અત્યંત ભારે વરસાદની આગાહી કરાઈ છે જ્યારે કચ્છમાં પણ અતિભારે વરસાદની આગાહી છે. ઇસ્ટ વેસ્ટ ટ્રફ, સર્કયુલેશન અને વેસ્ટર્ન ડિસ્ટર્બ્સ સક્રિય છે.

અંબાલાલ પટેલેની આગાહી
હવામાન નિષ્ણાંત અંબાલાલ પટેલે ભારે વરસાદની આગાહી કરી છે. જેમાં વડોદરા, સાવલી, આણંદ, ખેડા, નડીયાદમાં આગામી 24 કલાકમાં ભારેથી અતિભારે વરસાદની સંભાવના છે. અંબાલાલ પટેલે કહ્યું કે, બનાસકાંઠા, અરવલ્લી અને પંચમહાલમાં મધ્યમથી ભારે વરસાદની શક્યતા તો રાજકોટ, જામનગર અને સુરેન્દ્રનગરમાં વરસાદ પડી શકે છે. અંબાલાલ પટેલે ગુજરાતની સાથે-સાથે રાજસ્થાન અને મધ્યપ્રદેશમાં ભારે વરસાદની સંભાવના વ્યક્ત કરી છે. આ સાથે નર્મદા નદીમાં પૂર અને ડેમ ઓવરફ્લો થવાની આગાહી કરી છે. અંબાલાલ પટેલે કહ્યું કે, સાબરમતી નદીમાં પણ પૂર આવે તેવી સંભાવના છે. આ તરફ હવે હવામાન વિભાગ બાદ અંબાલાલ પટેલે પણ ગુજરાતમાં વરસાદની આગાહી કરી છે.