- અમદાવાદમાં ધોધમાર વરસાદથી સર્જાયો ટ્રાફિક જામ
- શહેરનાં પાંચ અન્ડરબ્રિજમાં પાણી ભરાતા કરાયા બંધ
- ભારે વરસાદથી સિંધુભવન રોડ પાણીમાં ગરકાવ
- એસજી હાઈવે પર સર્જાયો ટ્રાફિક જામ
અમદાવાદમાં ધોધમાર વરસાદ શરૂ થતા ઠેર ઠેર પાણી ભરાઈ ગયા હતા. પૂર્વ તેમજ પશ્ચિમ અમદાવાદમાં સાર્વત્રિક ધોધમાર વરસાદ પડ્યો હતો. થલતેજ, વસ્ત્રાપુર, એસજી હાઈવે, ગોતામાં પણ ધોધમાર વરસાદ પડ્યો હતો. તેમજ એલિસબ્રિજ, જમાલપુર, મણિનગરમાં પણ વરસાદ પડ્યો હતો. મધ્યગુજરાતમાં ભારે વરસાદની આગાહી બાદ અમદાવાદમાં પણ મેઘમહેર થઈ હતી. ત્યારે ધોધમાર વરસાદથી શહેરનાં રસ્તાઓ પર ટ્રાફિક જામ પણ સર્જાયો હતો.
5 અન્ડરબ્રિજ બંધ કરવામાં આવ્યા
અમદાવાદમાં સાંજનાં સુમારે એકાએક ભારે વરસાદ વરસવાનો શરૂ થતા શહેર અન્ડરબ્રિજમાં પાણી ભરાઈ ગયા હતા. અન્ડરબ્રિજમાં પાણી ભરાતા પાંચ અન્ડરબ્રિજ બંધ કરી દેવામાં આવ્યા હતા. જેમાં મીઠાખળી, કુબેરનગર, અખબારનગર, ઉસ્માનપુરા તેમજ પરિમલ અન્ડરપાસ બંધ કરવામાં આવ્યા હતા.
સિંધુભવન રોડ ઉપર લાંબો ટ્રાફિકજામ
અમદાવાદમાં સાંજનાં સુમારે અચાનક જ મેઘરાજાની ધમાકેદાર બેટીંગ શરૂ થતા અમુક વિસ્તારો પાણીમાં ગરકાવ થઈ ગયા હતા. ત્યારે મેઘરાજાની અમદાવાદમાં આક્રમક બેટિંગ સામે મ્યુનિસિપલ કોર્પોરેશનનો પ્રિ-મોન્સુન પ્લાન પણ પાણીમાં ધોવાઈ ગયો હતો. ત્યારે ભારે વરસાદથી સિંધુભવન રોડ પણ પાણીમાં ગરકાવ થઈ ગયો હતો. ત્યારે ઓફિસથી ઘરે પરત ફરતા લોકો ટ્રાફિકમાં અટવાયા હતા. સિંધુ ભવન રોડ પર લાંબો ટ્રાફિક જામ સર્જાયો હતો.
ઈસ્કોન બ્રિજ ઉપર ટ્રાફિકજામના દ્રશ્યો
અમદાવાદમાં મુશળધાર વરસાદને પગલે શહેરનાં વિવિધ વિસ્તારમાં વરસાદ શરૂ થયો હતો. ઈસ્કોન બ્રિજ ઉપર ટ્રાફિક જામનાં દ્રશ્યો સર્જાયો હતા. સમગ્ર અમદાવાદમાં વરસાદી માહોલ છવાતા ઠેર-ઠેર પાણી ભરાયા હતા.
