- રાજ્યના ખેડૂતો માટે માઠા સમાચાર
- રાજ્યમાં ફરી માવઠાનો માર
- 5 દિવસ કમોસમી વરસાદની આગાહી
રાજ્યના ખેડૂતો માટે ફરી માઠા સમાચાર મળી રહ્યા છે. જેમાં હવામાન વિભાગે રાજ્યમાં 5 દિવસ કમોસમી વરસાદની આગાહી કરી છે. વેસ્ટર્ન ડિસ્ટર્નબન્સ સક્રિય થતા કમોસમી વરસાદની આગાહી કરવામાં આવી છે. સૌરાષ્ટ્ર અને કચ્છમાં વરસાદની આગાહી કરવામાં આવી છે. જેમાં અમદાવા, ગાંધીનગર, મહેસાણા, સાબરકાંઠા, બનાસકાંઠા, પાટણ, જામનગર, દ્વારકા, રાજકોટ, સુરેન્દ્રનગર, ભાવનગર, ડાંગ, વલસાડ અને ભરૂચમાં પણ વરસાદની આગાહી કરવામાં આવી છે. 4 અને 5 મે ના રોજ વધુ વરસાદની આગાહી કરવામાં આવી રહી છે.
.png)
હળવો તેમજ ગાજવીજ સાથે વરસાદ થવાની સંભાવનાઃ હવામાન વિભાગ
વેસ્ટર્ન ડિસ્ટર્બન્સનાં કારણે અત્યારે વાતાવરણમાં પલટો આવી રહ્યો છે. અમદાવાદમાં વાવાઝોડું ફુંકાઈ શકે છે. ગઈ કાલે વરસાદી માહેલ વચ્ચે અમદાવાદમાં મહત્તમ તાપમાન 35.2 ડિગ્રી સેલ્સિયસ પર સ્થિર થયું હતું. જે સામાન્ય કરતા 6.1 ડિગ્રી ઓછું રહ્યું હતું. શહેરનાં કેટલાક વિસ્તારોમાં હળવો તેમજ ગાજવીજ સાથે વરસાદ થવાની સંભાવના છે. આજે મહત્તમ તાપમાન 37 ડિગ્રી સેલ્સિયલ રહેશે.
.png)
ફરી એક વાર ગુજરાતમાં માવઠું ખેડૂતોનો પાક બગાડશે
ખાનગી હવામાન વિશેષજ્ઞોના મતે આગામી દિવસોમાં બંગાળનાં ઉપસાગર અને અરબ સાગરમાં ચક્રવાત સર્જાવાની શક્યતા રહેશે. 10-11 મે ના દિવસોમાં બંગાળના ઉપસાગરમાં ચક્રવાત સર્જાવાની શક્યતા રહેશે. જે 18 સુધીમાં પ્રચંડ રૂપ ધારણ કરી શકે છે. 8 જૂનથી બંગાળના ઉપસાગરમાં પવનોની અદલાબદી થવાની શક્યતા રહે છે. ફરી એક વાર ગુજરાતમાં માવઠું ખેડૂતોનો પાક બગાડશે.
સૌરાષ્ટ્ર, ઉત્તર ગુજરાત સહિતનાં વિસ્તારમાં વરસાદ પડવાની સંભાવનાઃ હવામાન વિભાગ
આ બાબતે હવામાન વિભાગનાં ડાયરેક્ટર મનોરમા મોહન્તીએ જણાવ્યું હતું કે આવનારા દિવસોમાં ગુજરાતનાં દરિયાકાંઠાનાં સૌરાષ્ટ્ર, કચ્છ, દીવ દમણા, દાદરા નગર હવેલી સહિતનાં વિસ્તારમાં વરસાદ પડવાની સંભાવના છે. ત્યારે ગુજરાતનાં સૌરાષ્ટ્ર, કચ્છ, જામનગર, મોરબી, રાજકોટ, અમરેલી તેમજ ભાવનગર સહિતનાં વિસ્તારમાં વરસાદ પડી શકે છે. જ્યારે ઉત્તર ગુજરાતમાં બનાસકાંઠા, પાટણ, મહેસાણા, સાબરકાંઠા, ગાંધીનગર તેમજ અમદાવાદમાં પણ વરસાદની આગાહી કરવામાં આવી છે. દક્ષિણ ગુજરાતની વાત કરીએ તો વલસાડ, ડાંગ તેમજ તાપીમાં વરસાદ પડવાની સંભાવના છે.
