BIG BREAKING / ખેડાના ગળતેશ્વરમાં સામુહિક આપઘાત,બે બાળકો સાથે માતાએ કેનાલમા ઝંપલાવ્યું,પતિ અમદાવાદમાં કરે છે મજુરી કામ

• ગળતેશ્વરમાં માતાનો પોતાના દિકરા-દિકરી સાથે આપઘાત
• ઠાસરાના ઉનાળિયા ગામે ગઈકાલે નિકળી હતી માતા
• 2 બાળકો સાથે મહિલાએ કેનાલમાં ઝંપલાવ્યું

ગળતેશ્વરમાં માતાનો પોતાના દિકરા-દિકરી સાથે આપઘાત કરી લેતા ચકચાર મચી જવા પામી છે.  ઠાસરાના ઉનાળિયા ગામેથી ગઈકાલે માતા નીકળી હતી. ત્યારે બે બાળકો સાથે મહિલાએ કેનાલમાં ઝંપલાવ્યું છે. 5 વર્ષની દિકરી અને 3 વર્ષનાં દિકરા સાથે મહિલાએ કેનાલમાં ઝંપલાવ્યું હતું. ત્યારે મહિલાનો પતિ અમદાવાદમાં મજૂરી કામ કરે છે.  સેવાલીયા પોલીસે સમગ્ર મામલે ગુનો નોંધી કાર્યવાહિ હાથ ધરી છે. ત્યારે મહિલાએ શા કારણે આપઘાત કર્યો તે હજુ અકબંધ છે. 

ગત રોજ મહિલા તૈયાર થઈને નીકળી ગયા હતાઃ સરપંચ
આ બાબતે ભુપતભાઈએ જણાવ્યું હતું કે,  હું ગામનો સરપંચ છું.  જે મહિલા તેમજ બાળકોની લાશ મળી આવી એ મારા ગામનાં છે.  તે ગત રોજ 10 થી 11  વાગ્યાનાં સુમારે તૈયાર થઈને નીકળ્યા હતા.  જે બાદ તેમની લાશ મળી આવી છે.  જે મહિલાની લાશ મળી આવી છે તેમની માનસિકતા થોડી ઓછી છે. 

અગાઉ પણ મહિલા આવી રીતે બે-ત્રણ વખત ચાલ્યા ગયા હતાઃ રાઠોડ ગોપાલભાઈ રામાભાઈ
આ બાબતે રાઠોડ ગોપાલભાઈ રામાભાઈએ જણાવ્યું હતું કે,  એ બેન કાલે 11 વાગ્યાથી મારા પિયર જવું છું તેમ કહી બાળકો સાથે નીકળી ગયા હતા. અને અમને કંઈ પણ જાણ કરી ન હતી.  માત્ર એટલું જ કહ્યું હતું કે હું બાળકો સાથે પિયર જવું છું. તેમ કહી નીકળી ગયા હતા.  ત્યારે મૃતક મહિલાનાં પતિ મજૂરી કામ કરે છે. સવારે તેઓ અમદાવાદ જાય અને સાંજે પરત આવે છે.  બહેન માનસિક રીતે  અસ્થિર છે.  અગાઉ પણ બે-ત્રણ વખત બહેન નીકળી ગયા હતા. પરંતું અમે તેમને શોધીને પરત લાવ્યા હતા.  પહેલા એકલા જતા રહેતા હતા આ વખતે તેઓ બાળકોને લઈને નીકળ્યા હતા.