- મંગળ ગ્રહને ગ્રહોના સેનાપતિ તરીકે ઓળખવામાં આવે છે
- અનેક રાશિના જાતકોના જીવનમાં ખુશીઓ આવી શકે છે
- આવો જાણીએ કઈ રાશિના જાતકોને ફળી જશે મંગળ
જ્યોતિષ શાસ્ત્રમાં મંગળ ગ્રહને ગ્રહોના સેનાપતિ તરીકે ઓળખવામાં આવે છે. મંગળ ગ્રહે 1 જુલાઈના રોજ સિંહ રાશિમાં પ્રવેશ કર્યો છે. મંગળ ગ્રહ 49 દિવસ સુધી આ રાશિમાં રહેશે. ત્યાર પછી 18 ઓગસ્ટ 2023ના રોજ બપોરે 3:14 વાગ્યે કન્યા રાશિમાં પ્રવેશ કરશે. મંગળ ગ્રહના ગોચરથી અનેક રાશિના જાતકોના જીવનમાં ખુશીઓ આવી શકે છે. કેટલીક રાશિના જાતકોએ ગંભીર પરિણામ ભોગવવું પડી શકે છે. મંગળના ગોચરથી કઈ રાશિના જાતકોના જીવનમાં ખુશીઓની વર્ષા થશે તે અંગે અહીંયા જણાવવામાં આવ્યું છે.
મંગળ ગોચરથી આ રાશિના જાતકોને મળશે શુભ પરિણામ
મેષ- કન્યા રાશિમાં ગોચર કર્યા પછી મંગળ ગ્રહ મેષ રાશિના છઠ્ઠા ભાવમાં રહેશે. જ્યોતિષશાસ્ત્રમાં કુંડળીના છઠ્ઠા ભાવને આરોગ્ય અને સ્પર્ધાનો ભાવ માનવામાં આવે છે, જેથી આ રાશિના જાતકોને લાભ થશે. શત્રુઓ પર વિજય મળશે. કાયદાકીય બાબતોનો નિર્ણય તમારી તરફેણમાં રહેશે. આરોગ્ય સારું રહેશે. વિદેશ યાત્રાનો યોગ બનશે. આ દરમિયાન ખર્ચો વધી શકે છે.
મિથુન- કન્યા રાશિમાં ગોચર કર્યા પછી મંગળ ગ્રહ મિથુન રાશિના ચોથા ભાવમાં રહેશે. આ દરમિયાન નવી સંપત્તિ અથવા ઘર ખરીદવાનો મોકો મળી શકે છે. વેપારમાં સફળતા પ્રાપ્ત થશે, નાણાંકીય લાભ થશે. નોકરિયાત વર્ગે કાર્યમાં ધ્યાન આપવાનું રહેશે. ઈમાનદારીથી કાર્ય કરવાથી પ્રગતિ થઈ શકે છે.
કર્ક- કન્યા રાશિમાં ગોચર કર્યા પછી મંગળ ગ્રહ કર્ક રાશિના ત્રીજા ભાવમાં રહેશે. આ દરમિયાન ભાઈ બહેનનો સાથ મળશે. તમામ ક્ષેત્રે સફળતા પ્રાપ્ત થશે. નોકરિયાત વર્ગને મહેનતનું પરિણામ પ્રાપ્ત થશે. સરકારી નોકરીની તૈયારી કરી રહ્યા છો, તો સફળતા મળી શકે છે. પરિવારનો સાથ મળશે.
વૃશ્વિક- કન્યા રાશિમાં ગોચર કર્યા પછી મંગળ ગ્રહ વૃશ્વિક રાશિના અગિયારમાં ભાવમાં રહેશે. આ દરમિયાન તમામ ઈચ્છા પૂર્ણ કરવાનો સમય મળશે. વેપારમાં લાભ મળશે, પરિવારનો સહયોગ મળશે. સ્પર્ધાત્મક પરીક્ષાની તૈયારી કરી રહેલ વિદ્યાર્થીઓને સફળતા મળશે. આર્થિક પરિસ્થિતિ સારી રહેશે. ઘણા સમયથી જે બિમારીથી પિડાઈ રહ્યા છો, તેનાથી છુટકારો મળશે. નોકરિયાત વર્ગને પદોન્નતિની તક મળી શકે છે.
