આજકાલ વિશ્વમાં રમતગમતનું બજાર ખીલી રહ્યું છે. તેથી લોકો પણ કરિયર તરીકે સ્પોર્ટ્સ પર ધ્યાન આપવા લાગ્યા છે. દુનિયાની સૌથી ધનિક સ્પોર્ટ્સની વાત કરીએ તો ફૂટબોલનું નામ સૌથી પહેલા આવે છે. ફૂટબોલની રમતનું બજાર અંદાજે 600 અબજ ડોલરનું છે. ફૂટબોલની પ્રીમિયર લીગમાં ખેલાડીઓ વાર્ષિક 3.9 મિલિયન ડોલરનો પગાર મેળવે છે.
અમેરિકન ફૂટબોલ બીજા ક્રમે આવે છે. જેનું કુલ વૈશ્વિક બજાર 532 અબજ ડોલરથી વધુ છે. જો આપણે વર્ષ 2022ની વાત કરીએ તો આ રમતની નેશનલ ફૂટબોલ લીગે 17 મિલિયન ડોલરની આવક મેળવી હતી.
ત્રીજા નંબરે બાસ્કેટબોલ છે જેનું સમગ્ર માર્કેટ 90 અબજ ડોલરનું છે. પ્રતિષ્ઠિત બાસ્કેટબોલ લીગ NBA એ વર્ષ 2022 માં 209 મિલિયન ડોલરની કમાણી કરી હતી. બાસ્કેટબોલ ખેલાડીઓની વાર્ષિક આવક લગભગ 3.8 મિલિયન ડોલર છે.
આઈસ હોકી ચોથા નંબર પર આવે છે. આ રમત મોટાભાગે અમેરિકા અને કેનેડામાં રમાય છે. તેનું કુલ બજાર 60 અબજ ડોલરનું છે. પ્રીમિયર આઇસ હોકી લીગ, NHL ના ખેલાડીને વાર્ષિક $2.2 મિલિયનનો પગાર મળે છે.
વધુ વાંચો : ધોની કરતાં અડધી ફી, 27 વર્ષે કેપ્ટન, ઋતુરાજ ગાયકવાડ દર મહિને કેટલા કમાય છે? જાણો નેટવર્થ
બેઝબોલ પાંચમા નંબરે આવે છે જે અમેરિકાની રાષ્ટ્રીય રમત છે. બેઝબોલનું કુલ બજાર લગભગ 20 અબજ ડોલરનું છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
