ધર્મ / 'રાવણ તો અમારા જમાઈ થાય...', દશેરાએ આ ગામમાં શ્રીરામ નહીં રાવણની થાય છે પૂજા, રાવણનો મૃતદેહ અહીં હોવાનો છે દાવો

• સમગ્ર દેશમાં આજે રાવણનું દહન કરવામાં આવશે
• પણ ભારતમાં એક જગ્યાએ રાવણનું પૂજન કરવામાં આવે છે
• એ જગ્યાએ રાવણની મૂર્તિ પણ સ્થાપિત કરવામાં આવી છે

આજે સમગ્ર ભારતમાં દશેરાની ઊજવણી કરવામાં આવી રહી છે. દશેરાની સાંજે ચારેયતરફ તમને રાવણનો સળગતો પૂતળો જોવા મળશે. સમગ્ર ભારતમાં રાવણને અધર્મનું પ્રતીક માનવામાં આવે છે. પણ આ જ દેશમાં એક એવી પણ જગ્યા છે કે જ્યાં રાવણની પૂજા કરવામાં આવે છે. ત્યાંનાં લોકો રાવણને પોતાનો જમાઈ માને છે.

Mandsaur and Vidisha in Madhya Pradesh, where Ravana is considered a son-in-law. In this place, Ravana is not only revered but worshipped; he has temples built in his honour. Mandsaur reveres Ravana since it is thought that his wife Mandodari was born pic.twitter.com/cXhPVie64S

— Karan #Discovering Indianess🇮🇳🔍 (@Karankrishnmrty) October 24, 2023

મધ્યપ્રદેશમાં થાય છે રાવણ-પૂજન
મંદસૌર નામક આ જગ્યા મધ્યપ્રદેશમાં આવેલી છે. અહીં રહેતાં લોકો રાવણને પોતાનો જમાઈ માને છે અને આ જ કારણ છે કે અહીં લોકો તેની પૂજા કરે છે. કહેવામાં આવે છે કે રાવણની પત્ની મંદોદરીનું ઘર મંદસૌરમાં હતું તેથી અહીંનાં લોકો રાવણને આજે પણ પોતાનો જમાઈ માને છે.

રાવણનાં પૂતળાનું પૂજન
મંદસૌરનાં રુંડીમાં રાવણની એક મૂર્તિ બનાવવામાં આવી છે જેની પૂજા કરવામાં આવે છે. અહીંનાં લોકો રાવણને ફૂલ માળા ચઢાવીને તેની પૂજા કરે છે. મંદસૌર સિવાય અનેક એવી જગ્યાઓ છે કે જ્યાં રાવણનું પૂજન કરવામાં આવે છે. શ્રીલંકામાં પણ અનેક સ્થળો પર રાવણનું પૂજન કરવામાં આવે છે.

રાવણનું શવ
એવું માનવામાં આવે છે કે શ્રીલંકાનાં રગૈલાનાં જંગલોમાં આશરે 8 હજાર ફીટની ઊંચાઈ પર રાવણનું શવ રાખવામાં આવ્યું છે. લોકોનું એવું માનવું છે કે અહીં રાવણનાં શવને મમી સ્વરૂપે સુરક્ષિત રાખવામાં આવ્યું છે. શ્રીલંકા ફરવા જનારા લોકો માટે આ આકર્ષણ છે.