- ફ્રાન્સના ટોલર શહેરની હેરાનીભરી ઘટના
- 88 વર્ષના વૃદ્ધે બનાવ્યું બોંબનું સેક્સ ટોય
- ફસાતા હોસ્પિટલ પહોંચ્યો
- સાંભળતા લોકોએ કરી ભાગમભાગી
ફ્રાંસમાંથી એક ચોંકાવનારો મામલો સામે આવ્યો છે. 88 વર્ષના એક વ્યક્તિના શરીરમાંથી બીજા વિશ્વયુદ્ધના સમયના બોમ્બનો ટુકડો કાઢવામાં આવ્યો છે. ખુદ વૃદ્ધે કહ્યું છે કે તે આ બોમ્બનો સેક્સ ટોય તરીકે ઉપયોગ કરી રહ્યો હતો. જ્યારે તેમણે હોસ્પિટલમાં આ વાત કહી તો બધા હોસ્પિટલથી ભાગવા લાગ્યા. સાવચેતીના પગલા રૂપે ડોકટરોએ આખી હોસ્પિટલને પણ ખાલી કરાવી હતી. ડોક્ટરોએ સર્જરી કરીને તેના શરીરમાંથી બોમ્બનો આ ભાગ હટાવી દીધો છે અને કહ્યું છે કે આ બોમ્બ ફૂટી શકે તેવી હાલતમાં નથી કારણ કે તે ડિફ્યુઝ કરી દેવાયો હતો.
88 વર્ષીય વૃદ્ધે હો્સ્પિટલમાં જઈને કહ્યું મારા પેટમાં છે બોંબ
આ મામલો ફ્રાન્સના ટોલર શહેરનો છે. 88 વર્ષીય વૃદ્ધ સેન્ટ મ્યુઝ હોસ્પિટલ પહોંચ્યા અને પોતાની સમસ્યા જણાવી. આ સાંભળીને ત્યાં હાજર લોકોનો પવન ફુંકાઈ ગયો હતો અને અફરાતફરી મચી ગઈ હતી. હોસ્પિટલના કર્મચારીઓએ લોકોને બહાર કાઢ્યા હતા અને બોમ્બ ડિસ્પોઝલ સ્કવોડને બોલાવી હતી. થોડા કલાકો માટે ત્યાં આવેલા દર્દીઓને પણ બીજી જગ્યાએ મોકલવામાં આવ્યા હતા. સર્જરી ચાલી ત્યાં સુધીમાં તો બધાના શ્વાસ અધ્ધર થઈ ગયા હતા.
વૃદ્ધ ફિઝિકલ પ્લેઝર માટે અજાણતા વાપરતા હતા બોંબ
વૃદ્ધને ક્યાંથી બીજા વિશ્વયુદ્ધના જમાનોનો એક બોંબ મળ્યો હતો. વૃદ્ધને આ વાતની ખબર નહોતી અને તેમણે સેક્સ ટોય તરીકે તેનો ઉપયોગ શરુ કર્યો તેમાં રામાયણ થઈ અને તેના પ્રાઈવેટ પાર્ટમાં ફસાઈને બોંબ પેટમાં પહોંચ્યો આથી તેને દુખાવો ઉપડ્યો હતો અને હોસ્પિટલમાં જઈને પેટછૂટી વાત કરી કે તેના પેટમાં બોંબ છે તેથી દુખાવો થાય છે. વૃદ્ધની વાત સાંભળીને લોકોને બોંબનો ડર લાગ્યો અને તેથી તેઓ ભાગી નીકળ્યાં હતા. ડોકટરો સર્જરી કરીને તેના પેટમાંથી 6 સેમી પહોળો અને 20 સેમી લાંબો બોમ્બ બહાર કાઢ્યો હતો તપાસ કરાતા બોંબ પહેલેથી જ ડિફ્યુઝ થઈ હોવાનું જાણવા આવ્યું હતું. એટલે કે, તે ફૂટી શકે તેવી હાલતમાં નહોતો. ફ્રાન્સના લોકોને પણ આ ઘટનાથી ભારે નવાઈ લાગી છે.
