Surat news / સુરતમાં ગેસ ગળતરની મોટી દુર્ઘટના: કેમિકલવાળા ડ્રમ ખોલતા 4ના મોત, જુઓ એવું તો શું બન્યું

• સુરતના માંગરોળના મોટા બોરસરા ગામે મોટી દુર્ઘટના બની
• નીલમ ઇન્ડસ્ટ્રીઝ વિસ્તારમાં બની ઘટના
• ચાર કામદારોના શ્વાસ રૂંધાઇ જવાથી મોત

સુરતમાં ગેસ ગળતરની મોટી દુર્ઘટના સામે આવતા હડકંપ મચી ગયો છે. સુરતના માંગરોળમા આવેલ નીલમ ઇન્ડસ્ટ્રીઝ વિસ્તારની આ શ્વાસ અધ્ધર કરી દે તેવી ઘટના છે. જ્યા મોટા બોરસરા ગામે ફેકટરીમાં કામદારો કામ કરી રહ્યા હતા. આ વેળાએ ગેસ ગળતર થતા ચાર કામદારોને ઝેરી અસર થવા પામી હતી. જેને લઈને ઉહાપોહ મચી ગયો હતો.

કેમિકલ વાળા ડ્રમ ખોલતા ગેસનું ગળતર થયું

કામદારોએ કેમિકલવાળા ડ્રમ ખોલતા જ ચાર કામદારોને ઝેરી અસરને લઈને શ્વાસ રૂંધાયો હતો. જેમાં ચારેયના મોત નિપજતા અરેરાટી મચી ગઇ હતી. બીજી બાજુ આ ઘટનાની જાણ થતા સ્થાનિક પોલીસ કાફલો તાબડતોબ ઘટનાસ્થળે દોડી ગયો હતો. જ્યા હાલ તમામના મૃતદેહને પીએમ અર્થે કીમની સાધના હોસ્પિટલમાં લવાયા હતા.