દુર્ઘટના / રાજકોટના સરધાર નજીક મોટો અકસ્માત: બાઇક અને છકડા વચ્ચે ધડાકાભેર ટક્કર થતા 5ના મોત

• રાજકોટના સરધાર પાસે અકસ્માતમાં 5 લોકોના મોત
• છકડો પલટી જતા ચાલક સહિત 5 લોકોના મોત
• લીલીસાજળીયાળી ગામમાં અકસ્માતની ઘટના

રાજકોટમાં જન્માષ્ટમીના દિવસે દુ:ખદ સમાચાર સામે આવ્યા છે. વાત જાણે એમ છે કે, રાજકોટના સરધાર પાસે ભૂપગઢ રોડ પર અકસ્માતમાં 5 ના મોત થયા છે. પ્રાથમિક વિગતો મુજબ છકડો રીક્ષાએ પલટી મારતા બાઇક ચાલક સહિત પાંચના મોત થયા છે. આ તરફ તહેવારના દિવસે મૃતકોના પરિવારમાં માતમ છવાઈ ગયો છે. 

જન્માષ્ટમીને લઈ રાજકોટ સહિત ગુજરાતભરમાં ઉજવણીનો માહોલ છે. આ દરમિયાન રાજકોટથી એક ગોઝારા અકસ્માતના સમાચાર સામે આવ્યા છે. વિગતો મુજબ રાજકોટના સરધાર પાસે ભૂપગઢ રોડ પર લીલીસાજળીયાળી ગામે આજે અકસ્માતની ઘટના બની હતી. જેમાં એક છકડો રીક્ષાએ પલટી મારતા આ દુર્ઘટના સર્જાઇ હતી. આ ઘટનામાં બાઇક ચાલક સહિત પાંચના મોત થતાં પંથકમાં શોકનો માહોલ વ્યાપી ગયો છે.

ગત રાત્રીએ સર્જાયો હતો અકસ્માત
રાજકોટ-સરઘારથી ભૂપગઢ રોડ પર ગત રાત્રીએ અકસ્માત સર્જાયો હતો. વિગતો મુજબ ત્રણ બાઇક અને એક રીક્ષા વચ્ચે અકસ્માત સર્જાયા બાદ 5 લોકોના મોત થયા છે. માહિતી પ્રમાણે તમામ મૃતકો લીલાસાંજડીયાળી ગામના રહેવાસી છે. જેમાં ત્રણ મૃતકો ખેત મજૂર અને બે મૃતકો સ્થાનિક રહેવાસી હોવાનું સામે આવ્યું છે.