રાજ્ય / વડોદરા દુર્ઘટના બાદ રાજ્યમાં વધુ એક દુખદ બનાવ! મહિસાગરમાં 2 વિદ્યાર્થીઓ કેનાલમાં ડૂબ્યાં

• મહીસાગર સુજલામ સુફલામ કેનાલમાં 2 વિદ્યાર્થીઓ ડૂબ્યા
• વડાગામ પ્રાથમિક શાળામાં ભણતા હતાં વિધાર્થીઓ
• શાળા અભ્યાસ કરી ઘરે જતા બની આ ઘટના

વડોદરા હરણી લેક દુર્ઘટનામાં આશરે 14 લોકો મૃત્યુ પામ્યાં છે. નિર્દોષ બાળકો સહિત શાળાનાં શિક્ષકો પણ બોટ પલટી ખાતા મૃત્યુ પામ્યાં છે. 14ની કેપેસિટીવાળી બોટમાં જ્યારે 31 જેટલા લોકોને લાઈફ જેકેટ વગર બેસાડવામાં આવ્યાં હતાં. બોટ પલટી ખાતા 12 બાળકો મૃત્યુ પામી ગયાં. આ દુખદ ઘટનામાંથી ઊભરીએ ત્યાં તો રાજ્યમાં વધુ એક દુર્ઘટનાનાં સમાચાર સામે આવ્યાં છે. મહીસાગરમાં ખાનપુરના વડાગામ પાસેની એક ઘટના બની છે.

મહીસાગરમાં 2 વિદ્યાર્થીઓ ડૂબ્યાં
મહીસાગરમાં આવેલ સુજલામ સુફલામ કેનાલમાં 2 વિદ્યાર્થીઓ ડૂબ્યા છે. માહિતી અનુસાર વિદ્યાર્થીઓ મકનના મુવાડા ગામના હોવાનું અનુમાન છે. આ વિદ્યાર્થીઓ વડગામ પ્રાથમિક શાળામાં ભણી રહ્યાં હતાં. શાળામાં અભ્યાસ કરીને ઘરે જતાં આ ઘટના બની હતી. કેનાલમાં ડૂબી જનાર બંને બાળકોને બહાર કાઢવા સ્થાનિક તરવૈયા બોલાવાયા અને બાકોર પોલીસ ઘટના સ્થળે પહોંચી.

વધુ વાંચો: વડોદરા બોટ દુર્ઘટના: પ્રધાનમંત્રી મોદીએ વ્યક્ત કર્યું દુખ, મૃતકો માટે સહાયની કરી જાહેરાત, CM વડોદરા જવા રવાના