નિવેદન / બોલિવુડ મને અફોર્ડ નહીં કરી શકે, સાઉથના સુપર સ્ટારનું હિન્દી ફિલ્મ ઇન્ડસ્ટ્રીને લઈને મોટું નિવેદન

• બોલિવુડ મને અફોર્ડ ન કરી શકે - મહેશબાબૂ 
• હું ખુશ છું કે તેલુગૂ ફિલ્મો દેશભરમાં સફળતા મેળવી રહી છે - મહેશબાબૂ 
• 2008નાં મુંબઈ આંતકવાદી હુમલા પર આધારિત હશે મહેશબાબૂ દ્વારા નિર્મિત ફિલ્મ 'મેજર' 

મને લાગે છે કે બોલિવુડ મને અફોર્ડ ન કરી શકે, એટલા માટે હું મારો સમય વેડફવા માંગતો નથી. આ વાત દક્ષિણ ભારતનાં સુપરસ્ટાર મહેશબાબૂએ સોમવારે પોતાના પ્રોડક્શન વેન્ચર 'મેજર'નાં ટ્રેલર લોન્ચ કાર્યક્રમમાં કહી છે. તેમણે કહ્યું કે મને ખુશી છે કે આખા દેશમાં તેલુગૂ ફિલ્મોનાં બ્લોકબસ્ટર પ્રદર્શન સાથે જ ભારતીય સિનેમાનો અર્થ જ બદલાઈ ગયો છે. 

નથી બનવા માંગતો હું પેન ઇન્ડિયા સ્ટાર 
'મેજર'ના ટ્રેલર લોન્ચ દરમિયાન મહેશબાબૂ કહે છે કે મારો ઉદ્દેશ્ય ખુદને પેન ઇન્ડિયા સ્ટાર તરીકે પેશ કરવાનો નથી, પરંતુ સાઉથની ફિલ્મોને દેશભરમાં સફળ બનાવવાનો છે. હું હંમેશાથી જ તેલુગૂ ફિલ્મો કરવા માંગતો હતો અને ઈચ્છતો હતો કે ભારતભરનાં લોકો આ ફિલ્મો જુએ અને હવે આમ બની રહ્યું છે તો હું ખૂબ જ ખુશ છું. મારું હંમેશાથી એમ માનવું છે કે મારી તાકાત તેલુગૂ ફિલ્મો છે. તેણે બધી સીમાઓને પાર કરીને બોલિવુડ, ટોલિવુડને ભારતીય સિનેમા બનાવ્યા છે. 

શું તમે બોલિવુડમાં કામ કરશો?
મહેશબાબૂ આગળ કહે છે કે મને હિંદીમાં ઘણા પ્રસ્તાવો મળ્યા, પરંતુ મને લાગે છે કે બોલિવુડ મને અફોર્ડ કરી શકે તેમ નથી. એટલા માટે હું મારો સમય વેડફવા માંગતો નથી. તેલુગૂ સિનેમાએ મને જે પ્રેમ અને સ્ટારડમ આપ્યું છે, મેં ક્યારેય આ કલ્પના પણ કરી ન હતી. મેં હંમેશા વિચાર્યું હતું કે હું ફિલ્મો બનાવીશ અને તે મોટા પાયે પસંદ કરવામાં આવશે અને મારો વિશ્વાસ હવે એક વાસ્તવિકતામાં બદલાઈ રહ્યો છે. હું આનાથી વધારે ખુશ ન થઇ શકું. 

ફિલ્મ મેજર 
ફિલ્મ મેજર, 2008માં મુંબઈ આતંકવાદી હુમલા દરમિયાન, શહીદ થયેલા મેજર સંદીપ ઉન્નીકૃષ્ણનનાં જીવન પર આધારિત છે. આદીવી શેષ અભિનીત આ ફિલ્મનું નિર્દેશન શશિ કિરણ ટીક્કાએ કર્યું છે. ફિલ્મના રાઈટર પણ આદીવી શેષ જ છે. ફિલ્મનું નિર્માણ સોની પિક્ચર્સ ફિલ્મ્સ ઇન્ડિયાએ મહેશબાબૂ નાં જીએમબી એન્ટરટેન્મેન્ટ અને એ+એસ મૂવીઝનાં સહયોગથી કરવામાં આવ્યું છે. આ ફિલ્મ 3 જૂનનાં રોજ રિલીઝ થશે.  જણાવી દઈએ કે મહેશબાબૂં એસએસ રાજામૌલીની સાથે ફિલ્મ પર ચર્ચા વિચારણા પણ કરી રહ્યા હતા.