અસર / જો મહારાષ્ટ્રમાં નવી સરકાર બને તો PM મોદીના આ ડ્રીમ પ્રોજેક્ટ પર લાગી શકે છે 'બ્રેક'

Divyesh

Last Updated: 01:02 PM, 22 November 2019

FOLLOW ON

શેર કરો

મહારાષ્ટ્રમાં જો શિવસેના-એનસીપી-કોંગ્રેસ (Shiv Sena-NCP-Congress) ની સરકાર બને તો PM મોદીના ડ્રીમ પ્રોજેક્ટ બુલેટ ટ્રેન પરિયોજના પર બ્રેક લાગી શકે છે. આ બુલેટ ટ્રેન અમદાવાદ થી મુંબઇ વચ્ચે ચાલવાની છે. કોંગ્રેસના સૂત્રો દ્વારા મળતી જાણકારી મુજબ જો નવા ગઠબંધનની સરકાર બને તો આ પરિયોજનાથી મહારાષ્ટ્ર હાથ ખંખેરી નાંખવાનું વિચારી શકે છે.

શિવસેના-NCP-કોંગ્રેસની સરકાર રચવાની તૈયારી
PM મોદીના ડ્રીમ પ્રોજેક્ટ પર લાગી શકે છે બ્રેક
2017માં બુલેટ ટ્રેનની પરિયોજનાનો આધારશિલા રાખવામાં આવ્યો હતો

અમદાવાદ-મુંબઇ બુલેટ ટ્રેનની પરિયોજનાની કુલ ખર્ચ 1 લાખ કરોડ રૂપિયા જેટલો છે. ઉલ્લેખનીય છે કે 2017ના સપ્ટેમ્બર મહિનામાં PM મોદી અને જાપાનના પ્રધાનમંત્રી શિંજો આબે દ્વારા બુલેટ ટ્રેનની પરિયોજનાનો આધારશિલા રાખવામાં આવ્યો હતો.

જાપાને આ પ્રોજેક્ટ માટે ભારતને 0.1 ટકા પર વ્યાજે 88,000 કરોડ રૂપિયાની લોન આપી છે.

જોકે કોંગ્રેસના સૂત્રો દ્વારા મળતી જાણકારી મુજબ આ પરિયોજનાનો સંપૂર્ણ ખર્ચ કેન્દ્ર સરકારે ઉઠાવવો જોઇએ. મહારાષ્ટ્ર આ પરિયોજનાને લઇને કોઇપણ પ્રકારનો ખર્ચ ઉઠાવશે નહીં. કોંગ્રેસના નેતાએ નામ ન આપવાની શરતે કહ્યું કે ખેડૂતના કલ્યાણ અને દેવામાફીનો મુદ્દો એજન્ડામાં છે.

જો કે NCP નેતાના જણાવ્યા અનુસાર ત્રણેય પાર્ટીઓની બેઠકમાં આ પરિયોજનાને લઇને પણ ચર્ચા કરવામાં આવી હતી. જેમાં જણાવામાં આવ્યું છે કે 1.08 કરોડની ખર્ચવાળી આ પરિયોજનામાં મહારાષ્ટ્ર 5,000 કરોડ રૂપિયાનો ખર્ચ અફોર્ડેબલ કરશે. જો કે અમે એ નિર્ણય પર પહોંચ્યા છીએ કે એકવાર સરકાર બની જાય ત્યારબાદ આ અંગે કેન્દ્ર સાથે વાતચીત કરવામાં આવશે.

ઉલ્લેખનીય છે કે અમદાવાદથી મુંબઇ વચ્ચે ચાલનારી આ બુલેટ ટ્રેનની ઝડપ 350 કીમી પ્રતિકલાક હશે. આ પરિયોજના 2023 સુધીમાં પુરો કરવાનો લક્ષ્ય છે.

સંકળાયેલા મુદ્દાઓ

Bullet Train Dream Project PM modi ડ્રીમ પ્રોજેક્ટ પીએમ મોદી મહારાષ્ટ્ર Bullet train project