નિવેદન / 'સંત સમિતિમાં ભાગલા છે એવી વાતો ન કરો', જુદા-જુદા પ્રવચન અંગેના વાયરલ વીડિયો મુદ્દે જૂનાગઢ સંત સમિતિના મહામંડલેશ્વર આશુતોષગીરીની સ્પષ્ટતા

• સંત સમિતિની બેઠકનો વાયરલ વીડિયોનો મુદ્દો 
• વાયરલ વીડિયોમાં કેટલાક અંશ કાપીને એડિટ કરાયા: આશુતોષગીરી
• પ્રવચનના આગળ અને પાછળના અંશ એડિટ કરાયા:આશુતોષગીરી

જૂનાગઢની સંત સમિતિની બેઠકનો એક વીડિયો વાયરલ થઈ રહ્યો છે. જે વીડિયો મુદ્દે સંત સમિતિના પ્રવક્તા મહામંડલેશ્વર આશુતોષગીરીની પ્રતિક્રિયા સામે આવી છે. તેમણે કહ્યું કે, વાયરલ વીડિયોમાં કેટલાક અંશ કાપીને એડિટ કરવામાં આવ્યા છે. પ્રવચનના આગળ અને પાછળના અંશ એડિટ કરાયા છે.

જાહેરમાં ચર્ચા કરવા પડકાર
અત્રે જણાવીએ કે, વીડિયો વાયરલ કરનારને જાહેરમાં ચર્ચા કરવા પડકાર ફેંક્યો છે. આશુતોષગીરીએ જણાવ્યું કે, સંત સમિતિના તમામ સંતો એકમત છે, કોઈ પણ મતભેદ નથી તેમજ અમારા સંતો જાહેરમાં બોલે છે, બંધ બારણે કોઈ બેઠક નથી થતી. વધુમાં કહ્યું કે, અમે કોર્ટમાં જવા માટે પણ તૈયાર છીએ. સંત સંમેલનનો વીડિયો સ્વામિનારાયણ સંપ્રદાયના ઉલ્લેખ સાથે વાયરલ કરાયો હતો.

'સંત સમિતિમાં કોઈ પણ પ્રકારનો મત ભેદ નથી'
આશુતોષગીરીએ કહ્યું કે, સંત સમિતિમાં કોઈ પણ પ્રકારનો મત ભેદ નથી, અગ્રણી સંતો સાથે મારી પોતાની વાતચીત થઈ છે. જે સંતો બોલ્યા છે તેમનો અર્થનો અનર્થ કરવામાં આવ્યો છે. વધુમાં કહ્યું કે, અમારા સંતો જાહેર મંચ ઉપર બોલે છે તેમજ જાહેર મંચ ઉપર બેસે છે. અમે બંધ બારણે કોઈ પણ પ્રકારની ચર્ચા કરતા નથી.