VIDEO / સમાજનાં ગંભીર મુદાઓ પર પ્રકાશ પાડતી વેબ સીરીઝ Made In Heaven 2 નું ટ્રેલર રીલિઝ, નવા કલાકારો આપશે હદયસ્પર્શી પર્ફોર્મન્સ

• વેબ સીરીઝ મેડ ઈન હેવન 2 નો ટ્રેલર આઉટ
• આ સીઝન સમાજનાં વિવિધ મુદાઓ પર પાડશે પ્રકાશ
• નવા કલાકારોની સાથે આવી રહી છે આ સીરીઝ

શોમિતા ઘુલિપાલા અને અર્જુન મહેરાની મલ્ટી સ્ટારર વેબ સીરીઝ મેડ ઈન હેવનની બીજી સીઝનનું ટ્રેલર આજે રિલીઝ કરવામાં આવ્યું છે. 3.23 સેકન્ડનાં આ ટ્રેલરમાં અનેક નવા ચહેરાઓ દેખાઈ રહ્યાં છે. વેડિંગ પ્લાનરની આસપાસ ચાલતી આ વેબ સીરીઝમાં નવા ટ્વીસ્ટ્સ અને નવા મુદાઓ ઉમેરવામાં આવ્યાં છે. જુઓ ટ્રેલર.

સીરીઝમાં આ વખતે મૃણાલ ઠાકુર અને દીયા મિર્ઝા જેવા કલાકારો નાનો પણ મહત્વનો રોલ ભજવવાનાં છે. ટ્રેલરમાં પણ મજબૂતી સાથે આ કલાકારોને રિપ્રેસેન્ટ કરવામાં આવ્યાં છે. મેડ ઈન હેવનનો પહેલો પાર્ટ ઘણો પસંદ કરવામાં આવ્યો હતો. ફેંસ તેની સેકેન્ડ સીઝનની આતુરતાથી રાહ જોઈ રહ્યાં છે.

ચાર લોકોએ કર્યું છે ડાયરેક્શન
મેડ ઈન હેવન 2 ઓટીટી પ્લેટફોર્મ એમેઝોન પ્રાઈમ વીડિયો પર રિલીઝ થવાની છે. ટ્રેલર પરથી સ્પષ્ટરીતે જાણી શકાય છે કે આ સીઝનની મેકિંગ પાછળ મોટું બજેટ રાખવામાં આવ્યું છે. આ સીઝનમાં સમલૈંગિકતા, રંગભેદ, લગ્નજીવન, માં-દીકરાનો સંબંધ, ડોમેસ્ટિક વાયોલેંસ વગેરે જેવા અનેક મુદાઓ ઊઠાવવામાં આવ્યાં છે. કલાકારોની મદદથી સમાજનું સત્ય દર્શકો સામે રાખવાનાં પ્રયાસો આ સીઝનમાં કરવામાં આવ્યાં હોય તેવું લાગી રહ્યું છે.

કાસ્ટ
આ સીરીઝની સીઝન 2 માં અર્જુન મેહરા, રાધિકા આપ્ટે, શોભિતા ઘુલિપાલા, જિમ સર્ભ, કલ્કિ કોચલિન, શશાંક અરોડા, શિવાની રઘુવંશ, મોના સિંહ ત્રિનેત્ર હલ્દર, ઈશ્વર સિંહ અને વિજય રાજ જેવા લોકોએ કામ કર્યું છે.