સ્પોર્ટસ્ / લાખો ક્રિકેટ ચાહકોને પડશે ફટકો! MS ધોનીનો દર્દનાક વીડિયો વાયરલ, આવું રહ્યું તો IPL રમવું મુશ્કેલ

• મહેન્દ્ર સિંહ ધોનીનો વધુ એક વીડિયો વાયરલ
• પોતાના ગામમાં કરી રહ્યાં હતાં મજા
• વીડિયો જોઈને ફેન્સની ચિંતામાં વધારો થઈ ગયો

એમ.એસ ધોની હાલમાં ઉત્તરાખંડમાં પોતાના પૈતૃક ગામમાં ગયાં હતાં. આ દરમિયાન તેમની પત્ની સાક્ષી અને દીકરી જીવા પણ સાથે ગયાં હતાં. ધોનીની પોતાના ગામમાં સેર-સપાટા કરતી વીડિયો સામે આવી છે. આ વીડિયોને જોઈને ધોનીનાં ફેંસ ખુશ થઈ રહ્યાં હતાં. પણ હવે એક એવો વીડિયો સામે આવ્યો છે જેને જોઈને ફેંસની ચિંતા ધોની માટે વધી ગઈ છે. આ વીડિયો પણ ધોનાનાં ગામનો જ છે જ્યાં તેઓ પોતાની પત્નીની સાથે છે અને ગામનાં અન્ય લોકો પણ સાથે છે. ધોનીનો આ વીડિયો સામે આવ્યાં બાદ ફેંસને તેમના IPL-2024માં રમવાને લઈને ચિંતા થવા લાગી છે.

Brooo Dhoni's knees aren't giving me confidence ☠️ Hope he has one more season in him. pic.twitter.com/az62tcfmh9

— Silly Point (@FarziCricketer) November 21, 2023

ધોનીને પગમાં તકલીફ
ધોનીનો જે નવો વીડિયો સામે આવ્યો છે તેમાં તેઓ એક જૂના મકાનની છત પરથી ઊતરી રહ્યાં છે. ઊતરતાં સમયે તેઓ લંગડાઈ રહ્યાં છે. તેમનો એક પગ હવામાં છે. આ વીડિયો જોઈને એવું લાગી રહ્યું છે કે ધોનીને પગમાં તકલીફ છે. ધોનીની કેપ્ટનશીપમાં ચેન્નઈ સુપર કિંગ્સ IPL-2023ની વિજેતા બની હતી પણ એ સમયે પણ તેમને ઘુંટણમાં તકલીફ હતી. IPL બાદ ધોનીએ મુંબઈમાં પોતાના ઘુંટણનું ઑપરેશન કરાવ્યું હતું. તેથી આ વીડિયોએ ફેન્સની ચિંતામાં વધારો કર્યો છે.

ઈંટરનેશનલ ક્રિકેટમાંથી સંન્યાસ
ધોનીએ 2020માં ઈંટરનેશનલ ક્રિકેટથી સંન્યાસ લઈ લીધો હતો. આ બાદથી તેઓ માત્ર IPLમાં રમે છે. કેપ્ટન ધોનીએ ચેન્નઈ સુપર કિંગ્સને પાંચ વખત ચેમ્પિયન બનાવ્યું છે. ધોનીએ અત્યારસુધી IPLથી સંન્યાસ નથી લીધો.