- કેએલ રાહુલ માટે ગઇકાલનો દિવસ મેદાન પર સારો ન હતો
- કેએલ રાહુલને કઈ ઈજા થઈ છે?
- કેટલી ગંભીર છે કેએલ રાહુલની ઈજા?
લખનૌ સુપર જાયન્ટ્સના કેપ્ટન કેએલ રાહુલ માટે ગઇકાલનો દિવસ મેદાન પર સારો ન હતો. પહેલા સ્લો પીચ પર ટોસ હાર્યા બાદ તેને ફિલ્ડિંગ કરવી પડી હતી અને આ દરમિયાન તે ઘાયલ થયો હતો. એ બાદ મેદાનની બહાર જવું પડ્યું હતું. જો કે છેલ્લે બેટિંગ કરવા માટે આવ્યો પણ ત્યાં સુધીમાં ઘણું મોડું થઈ ગયું હતું અને ટીમ મેચ હારી ગઈ હતી. આ સાથે જ જણાવી દઈએ કે નવીન-ઉલ-હક, વિરાટ કોહલી અને એલએસજીના મેન્ટર ગૌતમ ગંભીર વચ્ચે અથડામણ થતાં મેચમાં બોલાચાલી થઈ હતી.આ રીતે આખી મેચ KL માટે ખરાબ રહી હતી. પણ શું તમે જાણો છો કે કેએલ રાહુલને કઈ ઈજા થઈ છે અને તેમાંથી સાજા થવામાં કેટલો સમય લાગશે?
કેએલ રાહુલને કઈ ઈજા થઈ છે?
જણાવી દઈએ કે મેચ પછીના પ્રેઝન્ટેશનમાં સ્ટેન્ડ ઇન કેપ્ટન કૃણાલ પંડ્યાએ ખુલાસો કર્યો છે કે કેએલ રાહુલને કઈ ઈજા થઈ છે. આ વિશે વાત કરતાં કૃણાલે કહ્યું, "તે ખૂબ જ દુઃખની વાત છે કે તેને હિપ-ફ્લેક્સર સ્ટ્રેન છે. મને ખબર નથી કે તે કેટલું ખરાબ છે, મેડિકલ ટીમ તેની જાંચ કરશે" નોંધનીય છે કે કેએલ રાહુલ બાઉન્ડ્રી રોકવા માટે ઝડપી ગતિએ દોડી રહ્યો હતો.આ દરમિયાન તે ઈજાનો શિકાર બન્યો હતો.તેણે તેના જમણા પગની જાંઘ પકડી લીધી હતી.ચાલુ મેચે રાહુલને aઅ ઇજા બાદ ફિઝિયો મેદાનમાં આવ્યો અને સારવાર અપાઈ પણ કોઈ ફાયદો થયો નહીં. આવી સ્થિતિમાં તેને મેદાનની બહાર જવું પડ્યું હતું.
કેટલી ગંભીર છે કેએલ રાહુલની ઈજા?
મહત્વનું છે કે રાહુલની ઈજા ચોક્કસપણે ગંભીર છે પણ કેએલ રાહુલને કયા ગ્રેડની ઈજા થઈ છે તે તો સમય જ કહેશે. મેચના અંતમાં જ્યારે તે બેટિંગ કરવા આવ્યો ત્યારે તે પીડામાં દેખાતો હતો અને રન પણ બનાવી શક્યો નહોતો. ળભૂત રીતે આ પ્રકારની ઈજાને ત્રણ ગ્રેડમાં વહેંચવામાં આવે છે. ગ્રેડ વનની ઈજા ઝડપથી સારી થઈ જાય છે. ગ્રેડ 2 ની ઈજાને સાજા થવામાં એક અઠવાડિયા કરતા વધુ સમય લાગી શકે છે, અને ગ્રેડ 3 ની ઈજા સાજા થવામાં વધુ સમય લે છે અને તેમાં ચાલવું પણ મુશ્કેલ બની જાય છે.
