- આ ઉપાય કરવાથી તમારી આર્થિક સ્થિતિમાં પણ સુધારો થશે
- નહાતા પહેલા પાણીમાં થોડી હળદર નાખો
- કેળાના ઝાડ પાસે ઘીનો દીવો કરવો પણ શુભ અને ફળદાયી માનવામાં આવે છે
Thursday Puja: સનાતન પરંપરા અનુસાર, અઠવાડિયાનો દરેક દિવસ કોઇને કોઇ દેવી- દેવતાની પૂજા માટે સમર્પિત છે. ગુરુવારનો દિવસ શ્રી હરિ અને દેવગુરુ બૃહસ્પતિની પૂજા માટે વિશેષ લાભકારી માનવામાં આવે છે. જો તમારા જીવનમાં હંમેશા સમસ્યાઓ આવતી હોય અથવા તમારી કુંડળીમાં કોઈ ખામી હોય તો ગુરુવારે આ દેવી-દેવતાઓની પૂજા કરવાથી ફળ મળે છે. આ સિવાય બીજા પણ ઘણા ઉપાય છે, જેને કરવાથી સાધકને શુભ ફળ મળે છે. આવો તો જાણીએ એવા કેટલાક અસરકારક ઉપાયો વિશે.
1. ધાર્મિક માન્યતા અનુસાર, જે કોઈને તેમના લગ્નમાં મુશ્કેલીઓ અથવા અવરોધોનો સામનો કરવો પડી રહ્યો છે તેણે ગુરુવારે ભગવાન વિષ્ણુને કલગી અર્પણ કરવી જોઈએ. માનવામાં આવે છે કે આ કરવાથી ભગવાન પ્રસન્ન થાય છે અને લગ્નમાં આવનારી બાધાઓ દૂર થાય છે.
2. ભગવાન વિષ્ણુ અને દેવગુરુ બૃહસ્પતિને પ્રસન્ન કરવા માટે દાન કરવું ફાયદાકારક માનવામાં આવે છે. તેનાથી ભગવાન પ્રસન્ન થાય છે, જેના કારણે તમારા જીવનમાં સુખ-સમૃદ્ધિ આવે છે. આ સાથે તમારી આર્થિક સ્થિતિમાં પણ સુધારો થાય છે.
3. જો તમારા જીવનમાં હંમેશા કોઈને કોઈ સમસ્યા રહેતી હોય તો ગુરુવાર સવારે વહેલા ઊઠીને સ્નાન કરો. ધ્યાન રાખો કે નહાતા પહેલા પાણીમાં થોડી હળદર નાખો. આવું કરવાથી નકારાત્મકતા દૂર થાય છે અને શુભ ફળ પ્રાપ્ત થાય છે.
4. ગુરુવારે કેળાના ઝાડને જળ અર્પિત કરવાથી લગ્નમાં આવતી બાધાઓ પણ દૂર થાય છે. આ સાથે કેળાના ઝાડ પાસે ઘીનો દીવો કરવો પણ શુભ અને ફળદાયી માનવામાં આવે છે.
5. ધાર્મિક માન્યતા અનુસાર, ગુરુવારે સૂર્યાસ્ત પછી તુલસીના છોડ પાસે ઘીનો દીવો રાખવાથી ઘરમાંથી દરિદ્રતા દૂર થાય છે અને જીવનમાં સુખ-શાંતિ જળવાઈ રહે છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
