- ટેટ અને ટાટ પાસ ઉમેદવારોએ કર્યો વિરોધ
- જ્ઞાન સહાયક ભરતી ઠરાવ સામે વિરોધ
- 11 મહિનાના કરાર આધારીત શિક્ષકની ભરતી સામે રોષ
શાળાઓમાં શિક્ષકની ઘટ એ વર્ષો જૂનો મુદ્દો છે જેના સમાધાન શોધવાના પ્રયાસ અવિરત ચાલુ રહે છે. સરકારે કાયમી ભરતી ન થાય ત્યાં સુધી શિક્ષકોની ઘટ ન પડે એ માટે નવો શબ્દ અને નવા શબ્દ રૂપે નવો વિકલ્પ શોધ્યો છે જેને નામ આપ્યું છે જ્ઞાન સહાયક. જ્ઞાન સહાયકની સરકાર કરાર આધારીત ભરતી કરશે જેનો સમયગાળો 11 મહિનાનો રહેશે. સરકારની આ જ નીતિ સામે ટેટ અને ટાટ કે PTC પાસ કરી હોય તેવા ઉમેદવારો રોષે ભરાયા છે,
ઉમેદવારોનો સીધો તર્ક છે કે એકંદરે GPSC પેટર્ન જેવી પરીક્ષા માટે પાંચ-સાત વર્ષ મહેનત કરીને જો પરીક્ષા પાસ કરી હોય અને આટલા વર્ષોની મહેનત પછી પણ 11 મહિનાની કરાર આધારીત નોકરી જ કરવાની હોય તો તેના કરતા જુનિયર ક્લાર્ક કે તલાટી થઈ જવું વધારે સારુ. ટેટ અને ટાટ પાસ ઉમેદવારો 18 જુલાઈથી સત્યાગ્રહ છાવણી પાસે ઉપવાસની પણ ચીમકી આપી ચુક્યા છે ત્યારે સરકાર શિક્ષકોની ઘટ દૂર કરવા જ્ઞાન સહાયકની ભરતી કરવા મક્કમ છે. મૂળભૂત પ્રશ્ન ફક્ત એટલો છે કે સરકારનો હેતુ સારુ શિક્ષણ આપવાનો છે પણ એ સારા શિક્ષણનો હેતુ કાયમી શિક્ષકોને બદલે કરાર આધારીત શિક્ષકોથી પૂરો થશે ખરો?
- સરકારી અને ગ્રાન્ટેડ શાળાઓમાં જ્ઞાન સહાયક યોજનાનો અમલ થશે
- જ્ઞાન સહાયકોની નિમણૂંક 11 મહિના માટે કરવામાં આવશે
- 11 મહિના પૂર્ણ થતા કરાર આપોઆપ રદ ગણાશે
જ્ઞાન સહાયક યોજના શું છે?
સરકારી અને ગ્રાન્ટેડ શાળાઓમાં જ્ઞાન સહાયક યોજનાનો અમલ થશે. જ્ઞાન સહાયકોની નિમણૂંક 11 મહિના માટે કરવામાં આવશે. 11 મહિના પૂર્ણ થતા કરાર આપોઆપ રદ ગણાશે. સમીક્ષાના આધારે યોગ્ય જણાય તો નવેસરથી કરાર કરી શકાશે. કરાર રિન્યુ કરવાની સત્તા શાળા વ્યવસ્થાપન સમિતિની રહેશે. જરૂર પડે ત્યારે શાળાના સમય સિવાય પણ શૈક્ષણિક પ્રવૃતિ કરવાની રહેશે. યોજનાને બે વર્ષ પૂર્ણ થાય પછી માનદ વેતનમાં વધારા અંગે વિચારણા થશે. ઉમેદવારને પોતાના વતન કે નજીકના વિસ્તારનો વિકલ્પ અપાશે. જ્ઞાન સહાયક યોજના અમલમાં આવ્યા પછી પ્રવાસી શિક્ષક યોજના રદ ગણાશે.
જ્ઞાન સહાયકને કેટલું વેતન મળશે? (હેડર)
| પ્રાથમિક વિભાગ (સબ હેડર) |
| |
| 21 હજાર ફિક્સ વેતન |
| |
| માધ્યમિક વિભાગ (સબ હેડર) |
| |
| 24 હજાર ફિક્સ વેતન |
| |
| ઉચ્ચતર માધ્યમિક વિભાગ (સબ હેડર) |
| |
| 26 હજાર ફિક્સ વેતન |
જ્ઞાન સહાયક અંતર્ગત કેટલી ભરતી?
| કુલ ભરતી |
26500 |
| પ્રાથમિક વિભાગ |
15000 |
| માધ્યમિક-ઉચ્ચતર માધ્યમિક |
11500 |
| ખેલ સહાયક |
5075 |
