BIG NEWS / ટૂંક સમયમાં બ્રિટનને મળશે નવા PM: લિઝ ટ્રસનું વડાપ્રધાન બનવું લગભગ નક્કી, ભારતવંશી ઋષિ સુનકને લાગી શકે છે ઝટકો

• ટૂંક સમયમાં બ્રિટેનને મળશે નવા પ્રધાનમંત્રી
• મૂળ ભારતીય ઋષિ સુનક પર ભારે પડ્યા લિઝ ટ્રસ
• સોમવારે થશે સત્તાવાર જાહેરાત

બ્રિટેનમાં પ્રધાનમંત્રી પદના નિર્ણયની ઘડી નજીક આવતી જાય છે. જબરદસ્ત પ્રચાર અભિયાન છતાં કંઝર્વેટિવ પાર્ટીના સભ્ય આજે અંતિમ ચરણનું મતદાન કર્યું હતું. જો કે, પરિણામની જાહેરાત ઔપચારિક રીતે સોમવારે થશે. પણ વિદેશ મંત્રી લિઝ ટ્રસ ભારતવંશી ઋષિ સુનક પર ભારે પડી રહ્યા છે. માનવામાં આવી રહ્યું છે કે, લિઝ ટ્રસ જ બ્રિટેનના નવા પ્રધાનમંત્રી બનશે.

સત્તાધારી કંઝર્વેટિવ પાર્ટીના નવા પીએમ ચૂંટાયા બાદ હાલના પ્રધાનમંત્રી બોરિસ જોનસન મહારાની એલિઝાબેથ દ્વિતિયને પોતાનું રાજીનામું સોંપશે. બોરિસ જોનસને પોતાની સરકારની નીતિઓ તથા કૌભાંડો વિરુદ્ધ કેટલાય મંત્રીઓએ રાજીનામા આપ્યા બાદ ખુદ પીએમ પદેથી રાજીનામાની જાહેરાત કરી હતી. ત્યાર બાદ ઓગસ્ટમાં તેમની પાર્ટીના લગભગ 2 લાખ જેટલા સભ્યો અને ઓનલાઈન વોટિંગ શરુ કરી હતી, જે આજે મોડી સાંજે પુરી થશે. મતદાનમાં ટ્રસને જબરદસ્ત સમર્થન મળી રહ્યું છે. 

કાંટાળો તાજ હશે પીએમ પદ

જો કે, નવા પીએમ માટે રાજકીય હનીમૂન વધારે લાંબુ નહી ચાલે. કારણ કે બ્રિટિશન પીએમના નિવાસ 10 ડાઉનિંગ સ્ટ્રીટમાં પહોંચવા પર નવા પીએમને અનેક આર્થિક તથા અન્ય પડકારોનો સામનો કરવો પડી શકે છે. બ્રિટેનમા કેટલાય દાયકાનું ગંભીર આર્થિક સંકટથી ઝઝૂમી રહ્યું છે. મોંઘવારી અને જીવનનિર્વાહના વધતા ખર્ચનો સામનો કરી રહ્યું છે. રશિયા તથા યુક્રેન યુદ્ધની વચ્ચે વધેલા ઈંધણના ભાવ આકાશે આંબી રહ્યા છે. તેના કારણે ફુગાવો દર વધી રહ્યો છે. 

સર્વે અનુસાર, લાખો લોકોનું કહેવુ છે કે, તેમના ખર્ચે હાલના અમુક મહિનામાં 80 ટકા વધી ગયા છે. મોંઘા ઈંધણના કારણે તેમને કેટલીય મુશ્કેલીઓનો સામનો કરવો પડી રહ્યો છે. લિઝ ટ્રસે ટેક્સ કપાતનું વચન આપ્યું હતું, પણ તેનાથી ગરીબોને લાભ મળવો મુશ્કેલ છે. બ્રિટિશન અખબાર દ સનના જણાવ્યા અનુસાર, ટ્રસને આ શિયાળામાં લોકોને ઈંધણના ખર્ચમાં રાહત આપવાની કસમ ખાધી હતી.