બેદરકારી / VIDEO: પાણીમાં આખું ટ્રેક્ટર અદ્રશ્ય થઈ ગયું, બેદરકારીના કારણે અંકલેશ્વરમાં એક વ્યક્તિનું મોત

• અંકલેશ્વરના પીલુદ્રા ગામે ટ્રેકટર તણાયું
• ટ્રેક્ટર તણાવાનો LIVE વીડિયો આવ્યો સામે
• ઘટનામાં એકનું મોત, 4નો બચાવ
   

દક્ષિણ ગુજરાતમાં 14 અને 15 જુલાઇ એમ બે દિવસ ભારે વરસાદની આગાહી કરવામાં આવી છે. જેને પગલે ધોધમાર વરસાદ વરસી રહ્યો છે. ક્યાંક કોઝવે પર પાણી ફરી વળ્યા તો ક્યાંક નીચાણવાળા વિસ્તારો પાણીમાં ગરકાવ થયા છે.  ઘણા ગામો સંપર્ક વિહોણા પણ બન્યા છે.  ત્યારે એક એવો વીડિયો સામે આવ્યો છે જેમાં ગળાડૂબ પાણી ભરાયા હોવા છતાં પણ ટ્રેક્ટર ચાલક લોકોને બેસાડીને તે પાણીમાંથી પસાર થઇ રહ્યો છે. 

ટ્રેક્ટકર ચાલકની બેદરકારી પડી ભારે

અંકલેશ્વરના પીલુદ્રા ગામનો ટ્રેક્ટર તણાવાનો લાઇવ વીડિયો સામે આવ્યો છે. આ દ્રશ્યોમાં જોઇ શકાય છે કે સામે પાર એટલુ બધુ પાણી ભરાયુ છે કે જવાની કોઇ હિંમત ન કરે. પરંતુ ટ્રેક્ટર ચાલકે તો હિંમત કરી. તે પોતે એકલો નહીં તેની સાથે અન્ય 4 લોકોને બેસાડીને લઇ ગયો.  ભરપૂર પાણી વચ્ચે ટ્રેક્ટર પસાર તો થઇ રહ્યુ છે પરંતુ જેવુ આગળ ગયુ કે ટ્રેક્ટર પાણીમાં ગરકાવ થઇ ગયું. પાણીનો પ્રવાહ હોવા છતાં પણ ટ્રેક્ટર ચાલકે પાણીમાં ટ્રેક્ટર હંકારી મુક્યુ અને પરિણામ 1નું મોત.  ટ્રેક્ટર ચાલકની ઘોર બેદરકારીને કારણે આ ઘટના બની . જો કે 4 લોકોના જીવ બચાવી લેવાયા છે.

વરસાદી માહોલમાં સાવચેત રહો

મહત્વનું છે કે  હાલ વરસાદી માહોલ છે તેવામાં દરિયાકાંઠા નજીક કે પછી પાણી ભરાયા હોય તેવી જગ્યાએ જવાનું ટાળવુ જોઇએ. ક્યાંક ચોમાસાનું આહલાદ્દક માહોલ માણવાની મજા સજામાં પણ ફેરવાઇ શકે છે. તંત્ર દ્વારા પણ અપીલ કરવામાંઆવી રહી છે કે નદીકાંઠાના કે દરિયા કાંઠા નજીક ન જવુ જોઇએ .