બિપોરજોય / પીડિતોની મદદે આવ્યું LIC: વાવાઝોડામાં અસરગ્રસ્ત લોકો માટે ક્લેમનાં નિયમો કરાયા સરળ, પોર્ટલ પર બનાવાઈ ખાસ લિંક

• બિપોરજોયની તબાહી જોઈ મદદે આવી LIC
• LICએ કહ્યું કે પીડિતો માટે ક્લેમનાં નિયમો કરાશે સરળ
• પરિસ્થિતિ જાણવા નોડલ ઓફિસરને નોમિનેટ કરાયા

દેશનાં પશ્ચિમી વિસ્તારમાં બિપોરજોય ચક્રવાતે ભારે તબાહી મચાવી છે ત્યારે ભારતીય જીવન વીમા નિગમે લોકોને ઈંશ્યોરેંસ બિપોરજોયનાં પીડિતો માટે ક્લેમનાં નિયમ સરળ કર્યાં છે. આ વાવાઝોડાએ ગુજરાત સહિત મહારાષ્ટ્ર અને રાજસ્થાનમાં ભારે નુક્સાન પહોંચાડ્યું છે. આવા સમયે LICનું આ પગલું લોકો માટે મદદરૂપ સાબિત થઈ શકે છે.

ક્લેમનાં નિયમો સરળ કરવાનું એલાન
વીમા રેગ્યુલેટર IRDAIની માર્ગદર્શિકા અનુસાર LICએ શનિવારે સાંજે વીમાધારકો માટે રાહતની ઘોષણા કરી હતી. આ સાથે જ LICએ પ્રધાનમંત્રી જીવન જ્યોતિ વીમા યોજનનાં સબસ્ક્રાઈબર્સ માટે પણ ક્લેમનાં નિયમો સરળ કરવાનું એલાન કર્યું હતું.

નોડલ ઓફિસરને નોમિનેટ કરાયા
LICએ કહ્યું કે વાવાઝોડામાં જાનહાનિ તો ન્યૂનતમ રહી છે પરંતુ કંપની પીડિતોનાં પરિવારનો સંપર્ક કરવાનાં પ્રયાસો કરી રહી છે. જેથી તેમને આ મુસિબતનાં સમયમાં મદદ પહોંચાડી શકાય. LICએ કહ્યું કે લોકો સુધી વીમા ક્લેમ સરળતાથી પહોંચે તે માટે મંડલ સ્તર પર નોડલ ઓફિસરને નોમિનેટ કરવામાં આવ્યાં છે. આ ઓફિસર્સ રાજ્ય સરકારોનાં મુખ્ય સચિવ અને સંબંધિત અધિકારીઓની સાથ સંપર્ક કરશે.'

પોર્ટલ પર અલગથી બનાવાઈ લિંક
LICએ બિપોરજોય ચક્રવાતનાં પીડિતોની મદદ કરવા માટે પોતાના પોર્ટલ પર એક અલગ લિંક પણ શરૂ કરી છે. અહીં જઈને લોકો પોતાના ક્લેમ સેટલમેંટ માટે ઓનલાઈન જ અપ્લાય કરી શકશે. અત્રે ઉલ્લેખનીય છે કે થોડા સમય પહેલાં બાલાસોરમાં થયેલ ટ્રેન દુર્ઘટનાનાં સમયે પણ LICએ ક્લેમનાં નિયમો સરળ બનાવી અને વધુને વધુ લોકોને મદદ કરવાનાં પ્રયાસો કર્યાં હતાં.