- પ્રોટીનની ઉણપનો સામનો કરી રહેલા વ્યક્તિએ ખાવું જોઇએ આ સુપરફૂડ
- ઇંડા કરતાં 5 ગણું વધુ પ્રોટીન અને ચિકન કરતાં 3 ગણું વધુ પ્રોટીન
- શરીરમાં હિમોગ્લોબીનનું પ્રમાણ વધારીને એનિમિયાને દૂર કરવામાં મદદ કરે
પ્રોટીનની ખામીને કારણે શરીર સુકાઈને હાડપિંજર બની શકે છે, સાથે જ પ્રોટીનનો અભાવ તમારા વાળ, ત્વચા અને નખને પણ બગાડી શકે છે. હવે કોઈને પણ પૂછીએ કે સૌથી વધુ પ્રોટીન શેમાંથી મળે તો બધાનો જવાબ એ જ હશે કે મેક્રોન્યુટ્રિઅન્ટ ઈંડા અને ચિકનમાં મોટી માત્રામાં પ્રોટીન જોવા મળે છે. પરંતુ શું તમે જાણો છો કે શાકાહારી ખોરાકમાંથી ઈંડા કરતાં પાંચ ગણું વધારે પ્રોટીન મળે છે.
NCBI દ્વારા કરવામાં આવેલ એક સ્ટડીમાં કહેવામાં આવ્યું છે કે નાસા પણ ખોરાકને અવકાશયાત્રીઓ સાથે મોકલે છે જેથી તેઓને પ્રોટીનની ઉણપ ન થાય. હવે શાકાહારી લોકો વિચારતા હશે કે આવી તો કઈ વસ્તુ છે? સ્પિરુલિના એ એક સુપરફૂડ છે જે પ્રોટીનની ઉણપનો સામનો કરી રહેલા દરેક વ્યક્તિએ લેવું જોઈએ. સ્પિરુલિના એક સમુદ્રી શેવાળ છે. એવામાં ચાલો જાણીએ સ્પિરુલિના ખાવાના અદ્ભુત ફાયદાઓ.
સ્પિરુલિનામાં મળતું પ્રોટીન ઇંડા, ચિકન અને અન્ય પ્રોટીન સ્ત્રોતો કરતાં ઘણું વધારે છે. સંશોધન દર્શાવે છે કે સ્પિરુલિનામાં ઇંડા કરતાં 5 ગણું વધુ પ્રોટીન અને ચિકન કરતાં 3 ગણું વધુ પ્રોટીન હોય છે. તેથી, જો કોઈને પ્રોટીનની ઉણપ હોય તો સ્પિરુલિના પાવડર લેવો ખૂબ જ ફાયદાકારક છે.
આ સાથે જ આયુર્વેદમાં સ્પિરુલિનાને ખૂબ મહત્વ આપવામાં આવ્યું છે અને તેનો ઉપયોગ ઘણી દવાઓમાં થાય છે. સ્પિરુલિનામાં 60% પ્રોટીન અને 18 થી વધુ પ્રકારના વિટામિન્સ અને મિનરલ્સ હોય છે, ઉપરાંત તેમાં એન્ટીઓક્સીડેન્ટ પણ હોય છે. આ જ કારણ છે કે તેને સુપરફૂડ માનવામાં આવે છે. સાથે જ સ્ટડીમાં એમ પણ કહેવામાં આવ્યું છે કે 100 ગ્રામ ઇંડા માત્ર 12.6 ગ્રામ પ્રોટીન મળે છે જ્યારે, 100 ગ્રામ સ્પિરુલિનામાં 57.5 ગ્રામ પ્રોટીન હોય છે.
સ્પિરુલિના એનેમિયાના દર્દીઓ માંટે ખૂબ જ અસરકારક સાબિત થાય છે, તેમાં હિમોગ્લોબિન અને રેડ બ્લડ સેલ્સ વધારવાની શક્તિ છે, જેનાથી લોહી વધે છે. સાથે જ સ્પિરુલિના કેન્સર જેવા ખતરનાક રોગો સામે રક્ષણ આપે છે.
