તમારા કામનું / સારો Credit Score હોવો છે ખૂબ જ જરૂરી, લોન અપ્રૂવલની સાથે મળે છે આ 5 ફાયદા

• લોન માટે જરૂરી છે આટલી વસ્તુઓ 
• સારો ક્રેડિટ સ્કોર હોવાના ઘણા છે ફાયદા 
• જાણો તેના વિશે 

જ્યારે પણ તમે બેંકમાં લોન માટે અરજી કરો છો, ત્યારે સૌથી પહેલા તમારો ક્રેડિટ સ્કોર ચેક કરવામાં આવે છે. ક્રેડિટ સ્કોર એ એક માપ છે જેના દ્વારા તે જાણી શકાય છે કે વ્યક્તિ તેની લોન લીધા પછી તેની યોગ્ય રીતે ચુકવણી કરે છે કે નહીં.

સારા ક્રેડિટ સ્કોરના છે ફાયદા
સારા ક્રેડિટ સ્કોર સાથે કોઈપણ લોન એપ્લાય કરનાર વ્યક્તિ ઓછા વ્યાજ દરે સરળતાથી લોન મેળવી શકે છે. આ સાથે બેંકો પણ સરળતાથી લોન મંજૂર કરે છે. તો ચાલો તમને સારો ક્રેડિટ સ્કોર મેળવવાના 5 ફાયદાઓ વિશે જણાવીએ.

તમને જણાવી દઈએ કે જો તમારો ક્રેડિટ સ્કોર સારો છે તો તમે ઓછા વ્યાજ દરે લોન મેળવી શકો છો. જણાવી દઈએ કે ક્રેડિટ સ્કોર દ્વારા એ જાણી શકાય છે કે જો લોન માટે અરજી કરનાર વ્યક્તિએ ભૂતકાળમાં કોઈ પણ પ્રકારની લોન લીધી છે તો પછી તે સમયસર ચૂકવવામાં આવી છે કે નહીં.

વ્યાજદર પર અસર 
ક્રેડિટ સ્કોર બેંક અથવા નાણાકીય કંપનીને આપવામાં આવતી લોન પરના જોખમની ગણતરી કરવામાં મદદ કરે છે. ક્રેડિટ સ્કોર જેટલો બગડશે, તેટલું જોખમ વધારે છે અને બેંક દ્વારા ગ્રાહકો પાસેથી વસૂલવામાં આવતો વ્યાજ દર વધે છે. જો સારો ક્રેડિટ સ્કોર હોય તો બેંક ઓછા વ્યાજ દરે લોન આપે છે.

ખરાબ ક્રેડિટ સ્કોરના કારણે વધારે લોન નથી મળતી 
આ સાથે જ્યારે ક્રેડિટ સ્કોર વધુ સારો હોય છે ત્યારે બેંક અથવા નાણાકીય કંપની લોન લેનારને વધુ લોન મંજૂર કરે છે. કેટલીકવાર ખરાબ ક્રેડિટ સ્કોર હોવાને કારણે જરૂરિયાત મુજબ લોન આપતી નથી. પરંતુ, જો તમારો ક્રેડિટ સ્કોર 750 થી ઉપર છે તો તમને સરળતાથી લોન મળી જશે.

ક્રેડિટ કાર્ડ મેળવવું સરળ 
જો તમારો ક્રેડિટ સ્કોર સારો છે તો આવી સ્થિતિમાં બેંક અથવા નાણાકીય કંપની તમારી લોન સરળતાથી મંજૂર કરે છે. આ સાથે તે ગ્રાહકની જરૂરિયાત મુજબ લોનની મર્યાદામાં વધારો કરતી રહે છે. આ સાથે ગ્રાહક માટે ક્રેડિટ કાર્ડ મેળવવું પણ સરળ છે.

સારા ક્રેડિટ સ્કોરથી મળે છે પ્રી-અપ્રૂવ્ડ લોનની સુવિધા 
જો ગ્રાહકનો ક્રેડિટ સ્કોર સારો હોય તો બેંકો અથવા નાણાકીય કંપનીઓ તેને પ્રી-અપ્રૂવ્ડ લોનની સુવિધા પણ આપે છે. આ સુવિધા દ્વારા ગ્રાહકને ખબર પડે છે કે જો તે બીજી કાર કે ઘર ખરીદવા માંગે છે તો બેંક તેને કેટલી લોન આપશે.

લોન ટ્રાન્સફર કરવાની સુવિધા 
સારો ક્રેડિટ સ્કોર હોવાને કારણે ગ્રાહકોને લોન ટ્રાન્સફર કરવાની સુવિધા પણ મળે છે. ઉદાહરણ તરીકે જો કોઈ વ્યક્તિએ એક બેંક પાસેથી ઊંચા વ્યાજ દરે લોન લીધી હોય અને પછીથી તેને સસ્તા દરે બીજી બેંકમાં ટ્રાન્સફર કરવા માંગે તો જો તેનો ક્રેડિટ સ્કોર સારો હોય તો તેને આ સુવિધા સરળતાથી મળી જશે.