- સગાઈ તૂટ્યા બાદની કિંજલ દવેની પ્રથમ ફેસબુક પોસ્ટ
- પોસ્ટમાં સગાઈ તૂટ્યા બાદની તેઓનાં દિલની વ્યથા વ્યક્ત કરી
- પવન જોષીની બહેને કોર્ટ મેરેજ કરી લેતા કિંજલની સગાઈ તૂટી
ગુજરાતી ગાયક કલાકાર કિંજલ દવેએ ગત રોજ તેમના ફેસબુક પેજ પર સગાઈ તૂટ્યા બાદ પ્રથમ પોસ્ટ શેર કરી છે. ત્યારે કિંજલ દવેની સગાઈ તૂટવાના સમાચારે સૌ કોઈને અચંબામાં મુકી દીધા હતા. તેમજ સગાઈ તૂટવાનો મુદ્દો સોશિયલ મીડિયા પર ચર્ચાનાં ચગડોળે ચડ્યો હતો. ત્યારે પાંચ વર્ષ પવન જોષી સાથે સગાઈ રહયા બાદ અચાનક સગાઈ તૂટી જતા સૌ કોઈ અચંબામાં મુકાઈ જવા પામ્યા હતા. કિંજલ દવેની સગાઈ સાટા પદ્ધતિથી કરાઈ હતી, જેના કારણે સગાઈ તૂટી છે.
સગાઈ તૂટ્યા બાદ કિંજલ દવેએ કરી સોશિયલ મીડિયામાં પ્રથમ પોસ્ટ શેર કરી
કિંજલ દવેની સગાઈ તૂટ્યાના ચાર દિવસ થયા બાદ કિંજલ દવેએ સૌ પ્રથમ સોશિયલ મીડિયા એકાઉન્ટ પર પહેલી પોસ્ટ શેર કરી કરી હતી. ફેસબુક પર શેર કરેલી આ પોસ્ટમાં કિંજલ દવે ઉદાસ ચહેરે હીંચકા પર બેઠેલ જોવા મળે છે. ત્યારે કિંજલ દવેએ પોસ્ટ શેર કર્યા બાદ કેપ્શનમાં લખ્યું હતું કે, " જીંદગી તમને ક્યાં પણ રોપે, આકર્ષણ રીતે ખીલો, શુભ સવાર "
પવન જોષીની બહેને અન્ય વ્યક્તિ સાથે કોર્ટ મેરેજ કરી લેતા કિંજલની સગાઈ તૂટી
ઉત્તર ગુજરાતનાં પાટણનાં નાનકડા ગામ એવા જેસંગપુરાના બ્રાહ્મણ પરિવારમાં કિંજલ દવેનો જન્મ થયો હતો. ત્યારે લગ્ન ગીત, લોકડાયરો અને સંતવાણી જેવા લોકસાહિત્યનાં કાર્યક્રમોએ કિંજલને પ્રસિદ્ધિ અપાવી હતી. પવન જોષી સાથે કિંજલ અને તેના ભાઈની સગાઈ સાટામાં કરવામાં આવી હતી. ત્યારે કિંજલના ભાઈ આકાશ દવેની સગાઈ પવન જોષીની બહેન સાથે કરવામાં આવી હતી. કિંજલ દવેની સગાઈ તૂટવા પાછળનું કારણ પવન જોષીની બહેને કોર્ટ મેરેજ કરી લેતા કિંજલની સગાઈ તૂટી હોવાનું સૂત્રો દ્વારા જાણવા મળી રહ્યું છે.
