અમદાવાદમાં યોજાનાર ક્રિકેટ વર્લ્ડ કપની મેચને લઈ પોલીસ કમિશ્નર દ્વારા જાહેરનામું પ્રસિદ્ધ કરાયું છે. જેમાં નરેન્દ્ર મોદી સ્ટેડિયમમાં વાહનો માટે 15 પાર્કિંગ પ્લોટ રહેશે. તેમજ સવારે 11 થી રાત્રી 12 વાગ્યા સુધી અમુક રૂટને ડાયવર્ટ કરાયા છે.
— VTV Gujarati News and Beyond (@VtvGujarati) October 4, 2023
અમદાવાદમાં ક્રિકેટ વર્લ્ડ કપની મેચને લઈ લોકોમાં અનેરો ઉત્સાહ જોવા મળી રહ્યો છે. અમદાવાદમાં વર્લ્ડ કપની ક્રિકેટ મેચને લઈ પોલીસ કમિશ્નર દ્વારા જાહેરનામું પ્રસિદ્ધ કરવામાં આવ્યું છે. નરેન્દ્ર મોદી સ્ટેડિયમમાં વાહનો માટે 15 પાર્કિગ પ્લોટ રહેશે. તેમજ સવારે 11 થી રાત્રે 12 સુધી કેટલાક રૂટની ડાયવર્ટ કરાયા છે. ત્યારે 5 અને 14 ઓક્ટોબર, 4,10,19 નવેમ્બરની વર્લ્ડ કપ મેચ રમાશે. ટ્રાફિક સહિત પોલીસનાં 3 હજારથી વધુ અધિકારીઓ-કર્મચારીઓ તૈનાત રહેશે.
વર્લ્ડ કપને લઈ પોલીસ કમિશ્નરનું જાહેરનામું
આ બાબતે ટ્રાફિક ડીસીપી નીતા દેસાઈએ જણાવ્યું હતું કે, આઈસીસી ક્રિકેટ વર્લ્ડ કપ 2023 ની અમદાવાદ શહેરમાં પાંચ મેચો રમાવા જઈ રહી છે. આજે મેચો રમાવા જઈ રહી છે. જેને લઈ પોલીસ કમિશ્નર દ્વારા જાહેરનામું બહાર પાડવામાં આવ્યું છે. તે મુજબ ટ્રાફિકને અડચણરૂપ ન થાય તેને લઈજનપથ થી સ્ટેડિયમ મુખ્ય ગેટ થી કૃપા રેસિડેન્સી થી મોટેરા ટી સુધીનો માર્ગ સવારે 11 વાગ્યાથી રાત્રીનાં 12.00 સુધી બંધ રહેશે. તેમજ આ જાહેરનામું આવતીકાલની મેચ સહિત તમામ મેચો માટે લાગુ પડશે. ત્યારે વૈકલ્પિક રસ્તા માટે તપોવન સર્કલથી ONGC ચાર રસ્તાથી વિસત ટીથી જનપથ ટી થઇ પાવર હાઉસ ચાર રસ્તા થઇ પ્રબોધ રાવળ સર્કલ સુધીના માર્ગ પરથી અવરજવર કરી શકાશે. તેમજ કૃપા રેસિડેન્સી ટી થઇ શરણ સ્ટેટસ ચાર રસ્તા થઇ ભાટ-કોટેશ્વર રોડ થઇ એપોલો સર્કલ તરફ અવર જવર કરી શકાશે.
ટ્રાફિક ન સર્જાય તે માટે શો માય પાર્કીંગ દ્વારા પાર્કીંગ બુક કરી લેવું
ટ્રાફિક ન થાય તે માટે 15 જેટલા પ્લોટો છે. જેમાંથી ચાર ટુ વ્હીલર માટેનાં છે. તેમજ 11 ફોર વ્હીલર માટેનાં પાર્કિગ પ્લોટો છે. આ જે પાર્કીગ પ્લોટ છે. તે શો માય પાર્કીંગ દ્વારા ગુગલ પર સર્ચ કરી અને પોતાનો પાર્કીગ સ્લોટ બુક કરાવી શકશે. તેમજ એએમટીએસ, બીઆરટીએસ તેમજ મેટ્રો દ્વારા પણ ટ્રેનો વધારી દેવામાં આવી છે. માર્ગ ઉપર કોઈ પણ જગ્યાએ અડચણરૂપ વાહનથી ટ્રાફિક ન થાય તે માટે સતત ક્રેન માર્ગ પર ફરતી રહેશે.
નીતા દેસાઈ (DCP,ટ્રાફિક વિભાગ)
કેટલો પોલીસ સ્ટાફ ફરજ બજાવશે
તેમજ મેચ વખતે એડીશનલ પોલીસ કમિશ્નર, 3 ડીસીપી, 4 એસીપી સહિત 1250 જેટલા ટ્રાફિકનાં અધિકારી કર્મચારીઓ આ બંદોબસ્તમાં તૈનાત રહેશે. તેમજ જે લોકો મેચ જોવા આવે છે તે લોકો પોતાનું પાર્કીંગ પાર્કીંગ પ્લોટોમાં જ કરે. તેમજ આડા અવળા વાહનો પાર્ક ન કરે. ત્યારે લોકો પાર્કિંગ પ્લોટમાં જ તેઓનું વાહન પાર્ક કરવું.
