- ફિલ્મ ‘આદિપુરુષ’ 16 જૂનના રોજ સિનેમાઘરમાં રિલીઝ થઈ
- ફિલ્મ રિલીઝ થયા પછી અલગ અલગ રિસ્પોન્સ મળી રહ્યા છે
- કંગના રનૌતે નામ લીધા વગર ફિલ્મ પર સાધ્યું નિશાન
પ્રભાસ અને કૃતિ સેનન સ્ટારર ફિલ્મ ‘આદિપુરુષ’ 16 જૂનના રોજ સિનેમાઘરમાં રિલીઝ થઈ ચૂકી છે. લોકો ખૂબ જ આતુરતથી આ ફિલ્મ જોઈ રહ્યા હતા. ફિલ્મ ‘આદિપુરુષ’ રિલીઝ થયા પછી અલગ અલગ રિસ્પોન્સ મળી રહ્યા છે. પ્રભાસની એક્ટિંગના ખૂબ જ વખાણ કરવામાં આવ્યા છે, તો સૈફ અલી ખાનના લુક અને ડાયલોગ્સની મજાક ઉડાડવામાં આવી રહી છે. બોલીવુડ અભિનેત્રી કંગના રનૌતે પ્રભાસની ફિલ્મ ‘આદિપુરુષ’ પર કોઈપણ નામ લીધા વગર નિશાન સાધ્યું છે.
કંગનાએ પોતાની ઈન્સ્ટા સ્ટોરીમાં ભગવાન રામના ફોટોઝ શેર કર્યા છે, જેમાં માતા સીતા અને હનુમાનને દેખાડવામાં આવ્યા છે. જેની સાથે કંગનાના ગીત ‘રામ કા નામ બદનામ ના કરો’ પણ લગાવ્યું છે. વર્ષ 1971માં રિલીઝ થયેલ મ્યુઝિકલ ડ્રામા ફિલ્મ ‘હરે રામા હરે કૃષ્ણા’ નું આ ગીત છે. દેવ આનંદે આ ફિલ્મ બનાવી હતી અને એક્ટિંગ પણ કરી હતી.
કંગનાએ કોઈ વ્યક્તિનું નામ લીધું નથી, પરંતુ પ્રભાસની ફિલ્મ ‘આદિપુરુષ’ પર નિશાન સાધ્યું હોવાનું માનવામાં આવી રહ્યું છે. કંગનાના સ્ટેટ્સ પરથી સ્પષ્ટ જોવા મળી રહ્યું છે. સોશિયલ મીડિયા યૂઝર્સ અલગ અલગ કમેન્ટ કરી રહ્યા છે. કોઈ જણાવી રહ્યું છે કે, કંગના સાઉથ લોકોથી ડરે છે, તો કોઈ વ્યક્તિ જમાવે છે કે, કંગના આ ફિલ્મની મજાક ઉડાવી રહી છે.
કંગના રનૌતે પહેલી વાર કોઈ ફિલ્મ પર નિશાન સાધ્યું હોય તેવું નથી. કંગનાએ શાહરૂખ ખાનની ફિલ્મ ‘પઠાન’થી લઈને અન્ય ફિલ્મ પર પણ નિશાન સાધ્યું છે. ઓમ રાઉતના ડાયરેક્શનમાં બનેલ ફિલ્મ ‘આદિપુરુષ’ના VFX અને ડાયલોગની ખૂબ જ ટીકા કરવામાં આવી રહી છે. સોશિયલ મીડિયા પર ફિલ્મ ‘આદિપુરુષ’એ મોડર્ન રામાયણના નામ પર મજાક કરી હોવાનું કહેવામાં આવી રહ્યું છે. આ ફિલ્મમાં પ્રભાસે રાઘવ, કૃતિ સેનને માતા જાનકી, સૈફ અલી ખાને રાવણ અને સની સિંહે લક્ષ્મમણનું પાત્ર ભજવ્યું છે. ફિલ્મ ‘આદિપુરુષ’ પૌરાણિક ડ્રામા પર બેઝ્ડ ફિલ્મ છે.
