- કંગના રનોતે થલાઈવીમાં જયલલિતાની રાજકીય નેતા તરીકેની ભૂમિકા નિભાવી
- કંગનાએ દેશભક્ત હોવાને કારણે થયેલા નુકસાનનો કર્યો ખુલાસો
- રાજનીતિમાં જોડાવાની અત્યારે કોઈ યોજના નથી: કંગના રનોત
કંગનાએ દેશભક્ત હોવાને કારણે થયેલા નુકસાનનો ખુલાસો કર્યો
લોકો કંગનાના અદાના જાદુને ફરી એક વખત માની રહ્યાં છે. આ દરમ્યાન કંગનાએ પોતે દેશભક્ત હોવાને કારણે થયેલા નુકસાનનો ખુલાસો કર્યો છે. કંગનાનું કહેવુ છે કે, ભલે તેઓ એક દેશભક્ત છે, પરંતુ રાજનીતિમાં જવાની હાલ કોઈ યોજના નથી. કંગના પોતાના નવા યુ-ટ્યુબ શો હેશટેગ તેરા જવાબ નહીં માટે રેડિયો જોકી રોનકની સાથે વાતચીત કરી રહી હતી. આ વાતચીત દરમ્યાન તેમને પ્રશ્ન પૂછવામાં આવ્યો કે કંગના રાજનીતીમાં પ્રવેશ કરવાની કોઈ મહત્વાકાંક્ષા ધરાવે છે.
અત્યારે રાજનીતિમાં જોડાવાની કોઈ યોજના નથી
કંગનાએ કહ્યું, અત્યારે કોઈ એવી યોજના નથી. પરંતુ મારો દ્રઢ વિશ્વાસ છે કે ગ્રાસ રૂટ લેવલ પર કામ કર્યા વગર કોઈ ગ્રામ પંચાયતની ચૂંટણી પણ જીતી શકાતી નથી. સરળતાને સમજો. રાજનીતિમાં પ્રવેશ કરવા માટે લોકોમાં વાસ્તવિક રોકાણ કરવાની જરૂર હોય છે. જો લોકોની ઈચ્છા હોય તો આ અંગે હું વિચારી શકુ છું. જો તમે જોયુ હોય તો જયલલિતાના નિધન થયાના લાંબા સમય બાદ પણ લોકો જયલલિતાને એટલો જ પ્રેમ કરે છે. કારણકે જયલલિતા જનતા સાથે જોડાયેલા હતા અને તેમની મદદ કરી હતી.
દેશભક્ત હોવાની ચૂકવી છે મોટી કિંમત
કંગનાએ એવો ઉલ્લેખ પણ કર્યો છે કે તેમણે દેશભક્તની જેમ બોલવાની ખૂબ મોટી કિંમત ચૂકવી છે. રોનકના પ્રશ્નનો જવાબ આપતા કંગનાએ કહ્યું કે, મેં ઘણાં કરાર ગુમાવ્યાં છે. કારણકે હું રાષ્ટ્ર-નિર્માણની વાત કરુ છું. આ કરારનું નુકસાન એટલેકે મહેસુલ પર નુકસાન થાય છે. જોકે, મેં મારા દેશને પૈસા કરતા વધારે મહત્વ આપ્યું છે. મારી પાસે જીવન માટે એક સારો દ્રષ્ટિકોણ છે અને તેના બે ચહેરા નથી. આ શો રવિવારે સવારે યુ-ટ્યુબ પર રિલીઝ કરવામાં આવ્યો.
