નર્મદા / તેજસ ફિલ્મની રીલીઝ પહેલા સ્ટેચ્યૂ ઑફ યુનિટી પહોંચી કંગના રણૌત, સરદાર પટેલને કર્યું સેલ્યુટ, જુઓ શું કહ્યું

• અભિનેત્રી કંગના રણૌત સ્ટેચ્યૂ ઓફ યુનિટીની મુલાકાતે 
• સરદાર પટેલની ભવ્ય પ્રતિમા જોઇને અભિનેત્રી મંત્રમુગ્ધ
• "લોખંડી સરદાર પટેલની આ પ્રતિમા સમગ્ર દેશનું ગૌરવ"

તેજસ ફિલ્મની રીલીઝ પહેલા અભિનેત્રી કંગના રણૌત સ્ટેચ્યૂ ઓફ યુનિટીની મુલાકાતે લીધી છે. આ મુલાકાત દરમિયાન કંગના સરદાર વલ્લભભાઈ પટેલની 182 મીટર ઊંચી પ્રતિમાની ઝલકથી મંત્રમુગ્ધ થઈ ગઈ હતી. SOU નોંધપોથીમાં કંગના રણૌતે પોતાનો પ્રતિભાવ પણ આપ્યો છે.  કંગના જણાવ્યું કે, લોખંડી સરદાર પટેલની આ પ્રતિમા સમગ્ર દેશનું ગૌરવ છે.

'મહાન પ્રતિભાને સલામ કરવાનો મને મોકો મળ્યો'
અભિનેત્રી કંગના રણૌત કહ્યું કે, મને ગર્વ છે કે આજે આ મહાન પ્રતિભાને સલામ કરવાનો મને મોકો મળ્યો છે. અત્રે જણાવીએ કે, સ્ટેચ્યુ ઓફ યુનિટીની ઉત્તમ જાળવણીની અંગે તેમણે પ્રશંસા કરી છે. તેમજ સ્વચ્છતા અને સુવિધાઓની પણ પ્રશંસા કરી સત્તામંડળને અભિનંદન પાઠવ્યા હતાં. આ પ્રસંગે SOUના CEO ઉદિત અગ્રવાલ અને નર્મદા જિલ્લાના કલેક્ટર શ્વેતા તેવટિયાએ કંગનાને સ્ટેચ્યુ ઓફ યુનિટીનું પ્રતિકૃતિ અને પુસ્તિકા આપીને તેમનું સ્વાગત કર્યું હતું.

'કેમ છો ગુજરાત..'
કંગના રણૌત ઉમેર્યું કે, કેમ છો ગુજરાત.. ગુજરાતનો જ નહી પરંતુ સંપૂર્ણ ભારતનો અભિમાન છે. મને ગર્વે છે કે, આજે આ મહાન સ્ટેચ્યૂને સલામ કરવાનો મોકો મળ્યો છે. તેમણે કહ્યું કે, ગુજરાત ટૂરીઝમને હું અભિનંદન આપું છે.