વાયરલ / ભારે વરસાદ થતાં જુનાગઢના રસ્તા પર સિંહે મારી લટાર, સાવજને જોતાં લોકો હક્કાબક્કા, જુઓ વાયરલ વીડિયો

• જૂનાગઢમાં ભારે વરસાદને લીધે સ્થિતિ ખરાબ
• જંગલનો રાજા સિંહ જંગલ છોડીને આવ્યો રોડ પર
• સિંહનો આ વીડિયો વાયરલ

ગુજરાતનાં જૂનાગઢમાં ભારે વરસાદની વચ્ચે ફ્લાઈઓવર પર અચાનક એક સિંહ આવી ગયો. તેને જંગલની જગ્યાએ રોડ પર જોઈને લોકો ખુબ ભયભીત થયાં હતાં. રોડ પર ટહેલાતા આ સિંહનો વીડિયો સોશિયલ મીડિયામાં વાયરલ થઈ રહ્યો છે. જુઓ.

Gujarat is battered with incessant rains with flood like situation in many cities. Even, King of the Jungle is forced to relocate from it's habitat. Pray to God 🙏 for a speedy recovery and normalisation of the cities affected#GujaratRain #GujaratRains pic.twitter.com/5YORSAJnEN

— Syed Saba Karim (@SyedSabaKarim5) July 23, 2023

જંગલનો રાજા રસ્તા પર 
પૂર્વ ક્રિકેટર સૈયદ સબા કરીમે સિંહનો વીડિયો પોસ્ટ કરતાં લખ્યું કે,'ગુજરાતમાં સતત વરસાદ વરસી રહ્યો છે અને અનેક શહેરોમાં પૂર જેવી સ્થિતિ છે. એટલું જ નહીં જંગલનો રાજા પોતાના રહેવાસથી બહાર નિકળવા મજબૂર બન્યો છે.'

જૂનાગઢમાં જોવા મળ્યું હતું મેઘતાંડવ
અત્રે ઉલ્લેખનીય છે કે, શનિવારે જૂનાગઢમાં મેઘતાંડવ જોવા મળ્યું હતું. જૂનાગઢમાં મેઘરાજાએ રોદ્ર સ્વરૂપ ધારણ કરી કહેર વરસાવતા શહેરમાં જળબંબાકારની સ્થિતિ સર્જાઈ હતી. જૂનાગઢમાં મેઘરાજાએ એવો કહેર વર્તાવ્યો કે સમગ્ર જૂનાગઢ શહેર દરિયામાં ફેરવાયું હોય તેવી સ્થિતિ સર્જાઈ હતી. દરિયા અને નદીમાં જે રીતે બોટ તરતી હોય તે રીતે રસ્તાઓ પર મોટરકાર, વાહનો અને પશુઓ તણાયા હતા. ભારે વરસાદના કારણે જૂનાગઢવાસીઓ હચમચી ગયા હતા. શહેરના રસ્તા પર જાણને નદી વહેતી હોય તેવા દ્રશ્યો જોવા મળ્યા હતા. 

ઘરોમાં અને દુકાનોમાં પણ ઘૂસી ગયા હતા પાણી 
તો કેટલાક વિસ્તારોમાં લોકોના ઘરોમાં અને દુકાનોમાં પણ પાણી ઘૂસી ગયા હતા. ભારે વરસાદ વચ્ચે પણ પોલીસ સ્ટાફે સતત સ્ટેન્ડ ટુ રહી ફરજ બજાવી હતી. કેટલાક સ્થળે પાણીમાં ફસાયેલાઓને રેસ્ક્યૂ કરી પોલીસ દ્વારા સમયસર મદદ કરવામાં આવી હતી. ગઇકાલે જૂનાગઢ જિલ્લાભરની પોલીસ સતત દોડતી રહી હતી. તો પાણીમાં તણાયેલા વૃદ્ધને પણ પોલીસે જીવના જોખમે બચાવી લીધા હતા. પોલીસની સમયસરની સરાહનીય કામગીરીની સમગ્ર જિલ્લામાં પ્રશંસા થઇ હતી.