કોન બનેગા કરોડપતિ.. / જ્યારે અમિતાભ બચ્ચન સામે ચોધાર આંસુએ રડી પડ્યો જોન અબ્રાહમ, આ કારણે ભાવના પર ન કરી શક્યો કંટ્રોલ, અનુભવશો ગર્વ

• અભિનેતા જોન અબ્રાહમ વધુ એક વખત ભાવુક થયો હતો
• દિગ્ગજ અભિનેતા બચ્ચનની સામે ચોંધાર આસુએ રોઈ પડ્યો
• પ્રાણી સુરક્ષા મામલે લોકોને કરી અપીલ

ફિટનેસ અને શાંત સ્વભાવ માટે જાણીતા અભિનેતા જોન અબ્રાહમ વધુ એક વખત ભાવુક થઈ ગયો હતો. તે દિગ્ગજ અભિનેતા બચ્ચનની સામે ચોંધાર આસુએ રોઈ પડ્યો હતો. ફિલ્મ 'સત્યમેવ જયતે 2'ના પ્રમોશન માટે જ્હોન અબ્રાહમ બિગ બીના શો 'કૌન બનેગા કરોડપતિ'માં ગયા હતા. આ દરમિયાન એક બાજુ જ્હોન ખૂબ મસ્તીમાં દેખાયો હતો. તો બીજી તરફ તે અમિતાભ બચ્ચન સામે રડતો પણ નજરે પડ્યો હતો.

આવા લોકોની આકરા શબ્દોમાં નિંદા કરી

જ્યારે અમિતાભે અબ્રાહમને પ્રાણીઓનો વીડિયો બતાવ્યો હતો. આ દરમિયાન તે પોતાની ભાવનાઓ પર કાબૂ કરી ન શક્યો હતો અને તે રડવા લાગ્યો હતો. આ વેળાએ પ્રાણીઓ પર ક્રૂરતા કરતા અને પ્રાણીઓને મારી નાખતા લોકોની જ્હોને આકરા શબ્દોમાં નિંદા કરી હતી. બીજી તરફ અભિનેતાને રડતી હાલતમાં જોઈ દર્શકો સહિત ખુદ અમિતાભ બચ્ચનની પણ આંખો ભીનિ થઈ ગઈ હતી. બાદમાં બચ્ચને જ્હોનને શાંત પાડ્યો હતો અને લોકોને પ્રાણીઓને પ્રેમ કરવાની અપીલ કરી.

રકમ પ્રાણી માટે દાન કરી
નોંધનિય છે કે જ્હોનના પ્રાણી પ્રેમ વિશે તમામ લોકો વાકેફ છે. દરેક વ્યક્તિ જાણે જ છે કે જ્હોન મોટો પ્રાણીપ્રેમી છે. જે પ્રાણીઓને ખૂબ પ્રેમ કરે છે. જેનું એક ઉદાહરણ એ પણ છે કે શોમાં જ્હોનને જેટલી રકમ જીતી હતી, આ તમામ રકમ તેણે એનજીઓને પ્રાણીઓની સુરક્ષા માટે દાનમાં કરી દીધી હતી. જ્હોન અબ્રાહમ છેલ્લે બ્લોકબસ્ટર ફિલ્મ 'પઠાણ'માં જોવા મળ્યો હતો. જેમાં તે વિલનના રોલમાં જોવા મળ્યો હતો.