મેગા ઓપરેશન / અમદાવાદમાં ચિરીપાલ ગ્રુપ પર ઇન્કમટેકસ વિભાગના દરોડા, એકસાથે 35થી 40 જગ્યાએ IT ત્રાટક્યું

• અમદાવાદમાં ઇન્કમ ટેક્સ વિભાગનું મેગા ઓપરેશન
• ચિરીપાલ ગ્રુપની કુલ 35થી 40 જગ્યાએ IT ત્રાટક્યુું
• ટેક્ષટાઇલ, શિક્ષણ સાથેના વ્યવસાયમાં સંકળાયેલું છે ચિરીપાલ ગ્રુપ

અમદાવાદમાં ઇન્કમટેક્સ વિભાગે મેગા ઓપરેશન હાથ ધર્યું છે. શહેરમાં ચીરિપાલ ગ્રુપ પર ઇન્કમટેક્સ વિભાગે સપાટો બોલાવ્યો છે. ટેક્ષટાઇલ અને શિક્ષણ સાથેના વ્યવસાયમાં સંકળાયેલ ચિરીપાલ ગ્રુપ પર IT વિભાગે દરોડા પાડ્યા છે. જેમાં વેદપ્રકાશ ચિરીપાલ, બ્રિજમોહન ચિરીપાલ સહિતના ભાગીદારોને ત્યાં ITએ દરોડા પાડ્યા છે.

150 અધિકારીઓ દરોડાની કામગીરીમાં સામેલ

શહેરના બોપલ રોડ પર આવેલી ચિરીપાલ ગ્રુપની મુખ્ય ઓફિસ પર ઇન્કમટેક્સ વિભાગે રેડ પાડી છે. બીજી બાજુ શહેરના શિવરંજની પાસે આવેલા ચિરીપાલ હાઉસ પર પણ IT ત્રાટક્યું છે. અમદાવાદમાં કુલ 35થી 40 જગ્યાઓ પર IT વિભાગે સપાટો બોલાવ્યો છે. તમને જણાવી દઈએ કે, 150 અધિકારીઓ દરોડાની કામગીરીમાં જોડાયા છે.

નંદન ડેનિમ અને વિશાલ ડેનિમ પર પણ IT વિભાગની તવાઇ

જેમાં જયોતિપ્રકાશ ચિરીપાલ, વિશાલ ચિરીપાલ અને રોનક ચિરીપાલને ત્યાં પણ દરોડા પાડવામાં આવ્યા છે. આ સાથે નંદન ડેનિમ અને વિશાલ ડેનિમ પર પણ આઇટી વિભાગે તવાઇ બોલાવી છે. એટલે કે સુરત અને અમદાવાદ એમ બંને શહેરોમાં આવેલી વિવિધ ઓફિસો પર IT વિભાગે દરોડા પાડ્યા છે.