- ઇઝરાયલી સેના અને હમાસ વચ્ચે ચાલી રહેલી લડાઈ 10મા દિવસમાં પ્રવેશી
- ઇઝરાયેલના હવાઈ હુમલામાં 724 પેલેસ્ટિનિયન સહિત 2,670 લોકો માર્યા
- હમાસના હુમલામાં માર્યા ગયેલા ઈઝરાયેલની સંખ્યા 1400થી વધુ થઈ
Israel Hamas War : ઇઝરાયલી સેના અને હમાસ વચ્ચે ચાલી રહેલી લડાઈ આજે તેના 10મા દિવસમાં પ્રવેશી ગઈ છે. આ સમયગાળા દરમિયાન ઇઝરાયેલના હવાઈ હુમલામાં 724 પેલેસ્ટિનિયન બાળકો સહિત ઓછામાં ઓછા 2,670 લોકો માર્યા ગયા છે. હમાસના હુમલામાં માર્યા ગયેલા ઈઝરાયેલની સંખ્યા 1400થી વધુ થઈ ગઈ છે, જેમાં 286 સૈનિકોનો સમાવેશ થાય છે.
ઈઝરાયેલના વડાપ્રધાન બેન્જામિન નેતન્યાહુએ રવિવારે વિસ્તૃત ઈમરજન્સી કેબિનેટ બેઠક યોજી હતી અને કહ્યું હતું કે, ઈઝરાયેલ હમાસને ખતમ કરી દેશે. આ દરમિયાન ગાઝાની સરહદ પર ઇઝરાયેલી સેનાની સેંકડો ટેન્ક તૈનાત છે અને તેઓ જમીન, પાણી અને આકાશમાંથી ગાઝા પર ત્રિપાંખીય હુમલાની તૈયારી કરી રહ્યા છે.
વ્હાઇટ હાઉસે કરી મોટી જાહેરાત
આ તરફ વ્હાઇટ હાઉસે રવિવારે જાહેરાત કરી હતી કે, ઇઝરાયેલે દક્ષિણ ગાઝાને પાણી પુરવઠો ફરી શરૂ કરવાની પુષ્ટિ કરી છે, જે હાલમાં પાણીની તંગીથી પીડાઈ રહ્યું છે. ઈઝરાયેલના ઉર્જા મંત્રી કાત્ઝે કહ્યું કે, ગાઝાને પાણી પુરવઠો ફરી શરૂ કરવાનો નિર્ણય વડાપ્રધાન બેન્જામિન નેતન્યાહુ અને અમેરિકી રાષ્ટ્રપતિ જો બિડેન વચ્ચેની વાતચીત બાદ લેવામાં આવ્યો છે.
ઓપરેશન અજય હેઠળ પાંચમી ફ્લાઇટ ભારત આવવા રવાના થઈ
આ તરફ ઓપરેશન અજય હેઠળ યુદ્ધગ્રસ્ત ઈઝરાયેલમાંથી બહાર કાઢવામાં આવેલા નાગરિકોને લઈને પાંચમી ફ્લાઈટ સોમવારે વહેલી સવારે તેલ અવીવથી ભારત જવા રવાના થઈ છે.
ઈઝરાયેલના હુમલામાં હમાસના વધુ બે નેતાઓના મોત
ઈઝરાયેલની વાયુસેનાએ તેના હુમલાનો વીડિયો જાહેર કર્યો છે. આ હુમલામાં હમાસના વધુ બે નેતાઓ માર્યા ગયા હતા, જેમાંથી એક હમાસ કમાન્ડર કિબુત્ઝ હુમલામાં સામેલ હતો.ઇઝરાયેલ ડિફેન્સ ફોર્સે શનિવારે મોડી રાત્રે ગાઝા પટ્ટીમાં દક્ષિણ ખાન યુનિસ નક્બા ફોર્સના કમાન્ડર બિલાલ અલ-કેદ્રાને માર્યો હોવાનો દાવો કર્યો હતો. સૈન્યએ જણાવ્યું હતું કે જ્યારે હમાસના આતંકવાદીઓએ ઈઝરાયેલ પરના તેમના છૂપા હુમલાના ભાગરૂપે 7 ઓક્ટોબરે કિબુત્ઝ કિબુત્ઝમાં નિરિમ સમુદાય પર હુમલો કર્યો ત્યારે ડઝનેક નિર્દોષ ઈઝરાયેલીઓની હત્યા પાછળ અલ કેદરાનો હાથ હતો.
હમાસમાંથી બંધકોને કોઈપણ શરત વિના તાત્કાલિક મુક્ત કરો: એન્ટોનિયો ગુટેરેસ
યુએન સેક્રેટરી-જનરલ એન્ટોનિયો ગુટેરેસે ટ્વીટ કર્યું કે જ્યારે આપણે મધ્ય પૂર્વમાં આપત્તિના આરે આવી રહ્યા છીએ, ત્યારે મારી પાસે બે માનવતાવાદી અપીલ છે, હમાસ તરફથી બંધકોને તાત્કાલિક અને કોઈપણ શરત વિના મુક્ત કરવા જોઈએ. ઇઝરાયેલ માટે માનવતાવાદી સહાયની ઝડપી અને અવરોધ વિનાની પહોંચ. ગાઝામાં નાગરિકોની ખાતર સહાય પૂરી પાડવી જોઈએ.
ઈઝરાયેલના PMએ લીધી ગુમ થયેલા પરિવારજનોની મુલાકાત
આ બધાની વચ્ચે ઈઝરાયેલના વડાપ્રધાન નેતન્યાહુએ ગુમ થયેલા અને પકડાયેલા ઈઝરાયેલના પરિવારજનો સાથે મુલાકાત કરી હતી.
